JOB 24:3 - BIBEL JAMITA NA DENGGAN

³ Halode ni na so marama so marina, dilojongkonsa; jana lombu ni ina na mabalu, dirampas baen gadena.

JOB 24:3 ပူးပေါင်းရင်းမြစ်များ

JOB 6:27

Salang bagian na so marama pe laing dirohai ho, dikilang ho dohot ale-alemu anso tibu makayo ho.

HARURUAR 22:26

Muda dibuat hamu mantel ni halak songon jaminan ni utangna, angkon paulahonmunu do mantelna i painte so sundut mataniari,

PANGARATAION 24:6

Muda painjamkon sanga aha hamu tu halak, ulang buat hamu batu panggilingan na nipakenia manggiling gandumnia gabe songon jaminan. Muda dibuat hamu batu i, na mangarampas do hamu di parkokas na nipakenia laho paradehon sipanganon anso laing mangolu ia.

PANGARATAION 24:7

Muda adong sada halak na manangko sanga ise dongan sabangsona, lalu dibaen ia gabe hatobanna sanga digadis ia songon hatoban, angkon mate niuhuman do sitangko jolma i. Songon i ma dalanna baenonmunu laho mangagohon hajahatan i sian tonga-tongamunu.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”