JOB 2:7 - BIBEL JAMITA NA DENGGAN

⁷ Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

JOB 2:7 ပူးပေါင်းရင်းမြစ်များ

2 SAMUEL 14:25

Tarpuji do si Absalom songon halak na jumeges di sandok Israel. Nada adong halak na jumeges be ulang ia. Sian palakpak ni patnia lopus tu ambubu ni ulunia nada adong tihasna.

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

JOB 1:11

Tapi sugari rupani dibuat Ho sandok sinadongannia i, musti diburai ia Ho di joloMu!”

JOB 13:28

Gabe pora do au songon hayu na busuk; songon abit na nipangan ni ngitngit gabe lapuk.

JOB 2:6

Jadi didok Tuhan ma tu Sibolis, “Antong, baen sajo ma sanga na aha tusia, asal ma ulang dibunu ho ia.”

JOB 30:30

Mangalomlom pamatangniba; maradu milas pambaen ni arun masa.

JOB 7:5

Gok binga pamatangniba dohot mudar na markorak; kulitku mangkaluak jana mangkaruari nana.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JESAYA 3:17

Hape uhumanKu noma halahi; sap ma uluna i rasa-rasaon lopus gabe palpalon.”

PANGARATAION 28:27

Hona uhum na ho baenon ni Tuhan marhite baro, songon na nibaenNa tu halak Mesir. Sap ma pamatangmunu dohot baro bope rasa na gatal tapi nada adong ubatna.

PANGARATAION 28:35

Baenon ni Tuhan ma patmunu sap baro na mangintasi boti na so ra malum; sian pat lalu tu ambubumunu sap sude baro-baroon.

HALUMBAAN 16:11

Diburai halahi ma Debata na di banua ginjang hara ni na hancitan dohot hara ni na baro-baroon i halahi. Hape laing nada ra halahi pauba rohana sian angka pambaenan ni halahi.