JOB 2:4 - BIBEL JAMITA NA DENGGAN

⁴ Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

JOB 2:4 ပူးပေါင်းရင်းမြစ်များ

PAMUNGKAAN 47:17

Jadi dipasahat halahi ma pahan-pahanan ni halahi tu si Josep jana dilehen ia ma panganon tu halahi songon gonti ni kudo, biri-biri, hambeng, lombu dohot halode ni halahi i. Di na sataon i, pahan-pahanan ma songon panggarar ni panganon dibaen si Josep tu halahi.

PAMUNGKAAN 47:19

Ulang padiar mate hami. Baen ma sanga na aha! Ulang padiar gabe gariang tanonami. Tobusi hamu ma hami dohot angka ladangnami i jana eme pe panggararna. Padiar ma gabe naposo ni raja i hami jana ia nampuna tanonami i sude. Lehen ma eme di hami paudut ngolunami jana laing lehen ma dohot same sisaburonnami di ladangnami!”

1 RAJA-RAJA 20:31

Ro ma angka perwirania i mandok tusia, “Pandok ni halak, anggo angka raja ni Israel sai ra do maribo ni roha. Jadi paloas ma hami kehe mangadop raja ni Israel mamake abit goni tanda ni panyosalan dohot tali ni rungkung tanda ni na tunduk; sai ibo nian rohana nada dibunu ia raja i.”

JOB 2:3

Disapai Tuhan ma, “Madung he dipamanat ho si Job naposongKi? Di sude portibi, nada adong na songon ia burjuna dohot denggan ni rohana. Marsomba tu Au do ia jana saotik pe nada adong dibaen ia hajahatan. Laing hot do setia ia tu Au, haru pe na dung nielekmu Au laho mangago ia sian na so dalanna.”

JOB 2:5

Sugari ma huparkanciti pamatangna i, musti buraannia Ho di joloMu!”

PODA 13:8

Dipake na kayo do hepengna anso aman ngoluna; hapengani halak na pogos bebas do sian ancaman.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

MATEUS 6:25

Hara ni i, Hudok ma tu hamu! Ulang pola sak rohamunu taringot tu ngolumunu. Sanga aha ma panganon dohot inumonmunu, jala ulang pola sak rohamunu taringot tu pamatangmunu, sanga aha sipakeonmunu. Inda he ummarga hosa sian panganon? Inda he ummarga pamatang sian pakean?

LUKAS 12:23

Umporluan dope ngolu sian sipanganon, jana umporluan dope pamatang sian pakean.

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.