JOB 17:9 - BIBEL JAMITA NA DENGGAN

⁹ Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

JOB 17:9 ပူးပေါင်းရင်းမြစ်များ

PAMUNGKAAN 20:5

Na nidok ni si Abraham sandiri do ibotonia anakboru i, jana songon i muse do pandok ni anakboru i. Sian ias ni rohangku do hubaen songon i, jana nanggo adong hubaen na sala.”

2 SAMUEL 3:1

Sai torus do mardalan parporangan antara ni parangan na mampartahankon horong ni si Saul dohot parangan na manyokong si Daud. Mur margogo ma si Daud, tapi mur gale ma anggo alonia i.

JOB 22:30

Urupan ni Debata ma ho muda soada sala jana muda dipatulus ho giotNia.”

JOB 27:5

Jadi anggo au, nada ra au mandok bahaso na tutu hamu; lopus mate pe pos do rohangku, na so targora anggo au.

JOB 27:6

Laing na marsitiopan do au tu pangoloionku, jana rohangku pe di bagasan laing na ias do i tutu.

JOB 31:7

Sugari rupani na manyimbil iba sian dalan na lidang, sanga na manarik tu rohaniba na rorang, betak mardais tanganku tu dosa,

JOB 33:9

Didok ho, ‘Nada au mangalaosi. Nada adong au targora bope na mambaen sala.

MASMUR 11:3

Muda sursar aturan ni masarakat aha be tarpatupa halak na burju roha.

MASMUR 24:4

Halak na ias di roha dohot pambaenan, na so marsumpa na pargabus sanga na manyomba gana-ganaan.

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

MASMUR 73:13

Nada adong hape gunana hujago rohangku tongtong pita, nada adong gunana mandao iba sian dosa.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 84:7

Gogo ni halahi mur martamba, dompak na mardalan tu Sion laho mangadop tu Debata.

MASMUR 84:8

Ale Tuhan Na Markuaso, tangihon ma tangiangku ale Debata ni si Jakob, parrohahon ma pio-piongku.

PODA 10:25

Muda mangalantap topan, mago ma parjahat i, hape anggo halak na jujur sai malua do i.

PODA 10:30

Halak na ias marroha mangolu aman; halak na jahat usiron do sian tano pusakona.

PODA 14:16

Jamot do halak na bisuk jana dipasimbil do hajahatan, tapi muda halak na oto dipapuas do hagiotna jana jop rohana.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

MARKUS 7:2

Ma diida halahi anak sisean ni Jesus, nada ias dope tanganna hape ma mangan. Inda jolo marbasu tangan halahi songon na nidok ni angka aturan ni halak Parise.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.