JOB 10:1 - BIBEL JAMITA NA DENGGAN

¹ Loja au jana magigi paida-ida ngolungku. Gabe huusehon na paet di rohangku.

JOB 10:1 ပူးပေါင်းရင်းမြစ်များ

JOB 7:11

Hara ni i nada tarhasipkon au! Na gilap dohot na paet nada tarpompom au. Angkon mungkap pamanganniba jana niusehon na di roha.

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

JOB 9:21

Nada sala au tapi nada parduli au. Loja au na mangolu i. So adong be na porlu di au. Na sala dohot na tigor, sarupa be do bagianna: Dua-duana i rap sipusaon ni Debata.

JOB 5:20

Muda haleon ro manyosak, nada loason ho mate malean. Muda turtar porang manggasak, dao do ho sian hamatean.

JUNUS 4:3

Saonnari ale Tuhan, padiar ma mate au, angke gumonan noma au mate ulang pado mangolu.”

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JESAYA 38:15

Aha ma he na tardok au? Karejo ni Tuhan do on; nada tarpodom au hara ni hamarsahan on.

JOB 19:4

Sugari sala pangalahongku, nada adong bagi aha rugimunu.

JOB 14:13

Paloas au martabuni di portibi ni halak na mate i. Linggomi ma au lopus di parmombun ni murukMu. Tapi tontuhon hatihana laho marningot tu diriniba.

JOB 7:16

Loja iba, ngongolan di ngolu, gumonan iba mate! Padiar ma au, angke ngoluniba soada diterge.

JOB 6:26

Songon alogo sajo dietong ho hatangku! Nada marguna maralus ho tu au na mandele.