JOB 1:8 - BIBEL JAMITA NA DENGGAN

⁸ Dung i disapai Tuhan muse ma, “Madung he dipamanat ho si Job naposongKi? Sude jolma na di portibi nada adong halak na songon i burjuna dohot denggan ni rohana. Marsomba tu Au do ia jana nada mambaen hajahatan ia.”

JOB 1:8 ပူးပေါင်းရင်းမြစ်များ

2 RAJA-RAJA 23:25

Nada unjung dope adong sada raja na songon Raja Josia pangoloina tu Tuhan sian sasude situtu ni rohana jana na patuduhonsa di sude pardalan ni ngoluna dohot pangalahona, hombar tu sude tona na dapot di buku ni si Musa. Dung Raja Josia, nada adong be raja na songon ia.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

JOB 12:4

Sipartataan ni dongan au dohot ale-ale, hape tigor do iba so marsala. Najolo dialusi Debata do tangiangniba, muda mangido tolong iba tuSia.

JOB 2:1

Mangulahi ro angka mahluk parbanua ginjang mangadop tu Tuhan, jana laing dohot do Sibolis di tonga-tonga ni halahi.

JOB 2:3

Disapai Tuhan ma, “Madung he dipamanat ho si Job naposongKi? Di sude portibi, nada adong na songon ia burjuna dohot denggan ni rohana. Marsomba tu Au do ia jana saotik pe nada adong dibaen ia hajahatan. Laing hot do setia ia tu Au, haru pe na dung nielekmu Au laho mangago ia sian na so dalanna.”

JOB 34:14

Sugari disintakkon Debata hosa ni jolma, jana dibuatkon mangulahi hosa ni hangoluanna,

JOB 8:20

Hape anggo halak na setia, nada unjung ditadingkon Debata, jana muse nada jungada mangurupi tu halak na so hasaya.

MASMUR 18:23

Diboto Ia do na hupadao au sian karejo na targora, jana na so mardosa iba.

MASMUR 34:14

Padao ma ho sian na jahat, patulus ma na denggan, gogoi ma parayakkon hadamean.

MASMUR 36:1

Halak na jahat mangihutkon pangelek ni dosa; umpe mabiar ia saotik mida Debata.

MASMUR 37:27

Tadingkon ma hajahatan, patulus ma na denggan, gabe maringanan di tano i ma pomparanmu sapanjangna.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 89:20

Madung Hupadumpangkon si Daud, naposongKu, Hupabangkit ia marhite miakKu.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

JESAYA 1:16

Basu hamu ma jolo dirimunu lopus ias. Antak hamu ma sude hajahatan na nibaenmunu i. Olo, ulang be didatdati hamu mambaen na jat,

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JEHESKIEL 40:4

Didok bayo i ma tu au, “Ale jolma parsantongkinan, tangkas tangihon dohot parrohahon sude sanga aha na hupatidahon tu ho, angke hara ni i do umbaen na dioban ho tuson. Paboa ma tu bangso Israel sude na giot patidahonon tu ho.”

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

JOSUA 1:2

Didok Tuhan ma, “Madung marujung ngolu ni naposongKu si Musa. Saonnari markobas ma ho dohot sude bangso Israel laho manaripari Batang aek Jordan dohot mamasuhi tano na giot lehenonKu di halahi.

JOSUA 1:7

Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.