JOB 1:5 - BIBEL JAMITA NA DENGGAN

⁵ Ganop abis pesta, sai sigop do ngot si Job jana dihaulkon ia ma haul salaho tu angka anaknia i anso disesa Tuhan dosa ni halahi. Harana didok rohania betak na dung mardosa do angka dakdanaknia i jana pabilehon Debata sian na so pamotoanna.

JOB 1:5 ပူးပေါင်းရင်းမြစ်များ

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

JOB 8:4

Betak na mardosa do angka dakdanakmu tuSia, jadi na patut do halahi hona uhumNia.

1 SAMUEL 16:5

Dialusi si Samuel ma, “Olo, tutu do i. Na giot manghaulkon haul tu Tuhan do na huharohon. Jadi paias hamu ma dirimunu anso tarbaen hamu dohot di na marhaul i.” Si Isai pe dohot angka dakdanakna i laing dohot ma disuru ia paias dirina be, jana diontang ia tu parhaulan i.

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

BAENON NI ANGKA RASUL 8:22

Jadi hara ni i pauba ma rohamu na jahat i jana pangidohon ma tu Tuhan anso diampuni Ia rohamu na jahat i!

1 RAJA-RAJA 21:13

Juguk ma dua halak na jahat adop si Nabot, jana dituhas halahi na dua ma si Nabot di jolo ni halak na bahat i na dung mamurai Debata dohot raja. Jadi hara ni i ma dalanna dioban ia tu balian ni kota lalu didangguri dohot batu lopus mate.

1 RAJA-RAJA 21:10

Suru hamu ma dua halak na jahat juguk di jolonia jana ditudu ma ia na mamurai Debata dohot raja. Dung i oban hamu ma ia tu balian ni kota jana nidangguran ma ia dohot batu lopus mate.”

PAMUNGKAAN 22:3

Manyogotna i dung torang ari, ditahai si Abraham ma soban baen tu haul situtungon i, dibobok ia ma i dibaen ia tu tanggurung ni halodenia. Dioban ia ma si Ishak dohot dua halak hatobannia, jadi kehe ma halahi mandapotkon inganan na nidok ni Debata i tu si Abraham.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

BAENON NI ANGKA RASUL 21:26

Jadi kehe ma si Paulus dohot si opat halak i mambaen upacara paias diri ancogotna i. Dung i kehe ma halahi masuk tu Bagas Ni Debata laho paboahon sanga na piga ari nari anso salose upacara na paias diri i dohot haul sipasahaton hara ni halahi be.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

JOHANNES 11:55

Jadi hatiha i giot dapot ne ma Pesta Paskah ni halak Jahudi. Ma bahat halak sian angka kota i markehean tu Jerusalem laho paiaskon diri dompak so dapot Pesta Paskah i.

LUKAS 1:75

di bagasan habadiaan dohot hatigoran di adopanNia, salolot ni lolotna.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

MASMUR 5:3

O Tuhan, pangidoanku tu Ho muda manyogot sai tangihon ma tangiangku, di na maroban haul au tarpainte do au Tuhan di alusMu.

JOB 41:25

Muda jabat jongjong ia, manigor raion ma na gogo, hara ni santakna biar ni rohana gabe so margogo.

JOB 27:10

Angkon sian Debata hian do nian halungunkononna hasonangan, jana nada marnaloja martangiang tuSia.

JOB 2:9

Didok na nibuatnia i ma tusia, “Aha dope umbaen na sai burju ho tu Debata? Tole ma da, burai ma i, dung i mate ho!”

JOB 1:11

Tapi sugari rupani dibuat Ho sandok sinadongannia i, musti diburai ia Ho di joloMu!”

NEHEMIA 12:30

Mangias diri ma angka malim dohot angka halak Levi i di diri ni halahi sandiri, di rayat i, di angka pintu horbangan dohot tembok ni kota.

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

HARURUAR 18:12

Dung i dioban si Jetro ma sanga na piga haul situtungon dohot haul sisambolon songon somba-sombania tu Debata. Ro do si Harun rap dohot sude pamimpin ni halak Israel i tu parjamuan i lalu mangankon panganon na badia i dohot si Jetro di jolo ni Debata.

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

2 KORINTUS 11:2

Malungun do au di hamu, songon dihalungunkon Debata sandiri hamu. Tarsongon bujing-bujing na ias dope hamu, na hupatunangkon tu sada bayo, i ma Kristus.

1 RAJA-RAJA 18:31

Dibuat ia ma dua bolas batu, ganop batu ma songon wakil ni sada sian sidua bolas marga pomparan ni angka anak ni si Jakob, halak na nigoaran ni Tuhan, si Israel.

HARURUAR 24:5

Dung i disuru si Musa ma angka doli-doli jana dipasahat halahi ma haul na nitutung tu Tuhan jana disambol halahi ma angka lombu songon haul pardonganan.

JOB 1:4

Somal do angka anak ni si Job na pitu i mambaen pesta di bagas ni halahi margonti-gonti. Dipadohot muse do di pesta i boru ni si Job na tolu i, jadi rap mangan minum ma halahi sude.

JOB 6:14

Di sitaonon na songon on, hupasahat noma ale-ale na solkot on. Sanga na hot dope au di haburjuon sanga pe na dung humuduk sian Na Sun Kuaso.

JEHESKIEL 14:14

Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.