JOB 1:3 - BIBEL JAMITA NA DENGGAN

³ Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

JOB 1:3 ပူးပေါင်းရင်းမြစ်များ

PAMUNGKAAN 12:16

Hara ni si Sarai, gabe denggan ma pambaenan ni raja i tu si Abram, jana dilehen ma disia angka hatoban, biri-biri dohot hambeng, lombu, halode dohot unto.

PAMUNGKAAN 12:5

Dioban si Abram do si Sarai dadaborunia i, dohot si Lot anak ni angginia bope sude arta dohot angka hatoban na dapotnia di Haran jana kehe ma halahi tu tano Kanaan. Dung lalu halahi di Kanaan,

PAMUNGKAAN 13:6

Jadi hara ni i nada tuk be angka ruput na di padang-padang i muda rap halahi na dua sainganan, harana madung mabahattu pahan-pahanan ni halahi.

PAMUNGKAAN 24:35

Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

PAMUNGKAAN 25:6

dompak di ngolunia bahat do diparleheni ia silehen-lehen tu angka dakdanaknia na nitubuhon ni angka dongan saripenia na asing i. Dung i disuruhon ia ma angka dakdanaknia i marpindaan tu luat Habincaran ni Kanaan, anso dao be sian si Ishak anaknia i.

PAMUNGKAAN 29:1

Dipatorus si Jakob ma pardalanannia jana kehe ma ia tu Habincaran ni tano Kanaan.

PAMUNGKAAN 34:23

Gabe hita puna do muse sude pahan-pahanan ni halahi dohot sinadongan ni halahi i. Jadi taoloi ma da pangidoan ni halahi anso laing tarbaen halahi maringanan di hita on.”

2 SAMUEL 12:2

Bahat do pahan-pahanan dohot biri-biri ni na kayo i

1 RAJA-RAJA 4:30

Di angka luat na di Habincaran dohot na di Mesir nada adong halak na ummalo sian ia.

2 RAJA-RAJA 15:20

Sian angka halak na kayo di Israel do dijagit si Menahem hepeng i, di na nipaksania sandok halak anso mangalehen lima pulu be hepeng perak. Jadi gabe ditinggalkon si Pul ma luat i jana mulak ma ia tu tanonia sandiri.

2 RAJA-RAJA 3:4

Jadi adong do parmahanan ni biri-biri ni si Mesa raja ni Moab. Ganop taon, sai dilehen ia do anak ni biri-biri 100.000 dohot imbulu ni 100.000 biri-biri jantan songon pajakna tu raja ni Israel.

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

2 JUJUR TAON 32:29

Na lobi bahat i, tamba ni i dipungka ia do bahat kota. Bahat sajo do sinadongan na nilehen ni Debata tusia.

JOB 1:10

Sai dijagohon Ho do antong ia, pangisi ni bagasnia dohot sude sinadongannia. Dipasupasu Ho karejonia jana dilehen Ho disia bahat pahan-pahanan jabat tuk pakeon ni halak saluat.

JOB 1:4

Somal do angka anak ni si Job na pitu i mambaen pesta di bagas ni halahi margonti-gonti. Dipadohot muse do di pesta i boru ni si Job na tolu i, jadi rap mangan minum ma halahi sude.

JOB 21:28

Disapai hamu, ‘Di dia do bagas ni parkuaso na mambaen pangalaho na durako?’

JOB 29:25

Au do na maniop pimpinan, dohot na patontu sandok haputusan. Hupimpin halahi songon raja di tonga ni paranganna, jana huapoi halahi di hamarsahanna.

JOB 31:25

sanga pe huanggarkon hamoraanku.

JOB 31:37

Sanga aha na hubaen, paboaonku ma i tu Debata, jana gakgak ma au padorgak ulu di joloNa.

JOB 42:10

Salpu i, dung martangiang si Job salaho tu donganna sitolu halak i, dibaen Tuhan ma ia mamora mangulahi jana dilehen tusia dua noli lompit sian sinadongannia najolo i.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

JEREMIA 49:28

On ma na nidok ni Tuhan taringot tu Marga Kedar dohot angka luat na nirajaan ni Hasor, na dung nirampas ni si Nebukadnesar raja ni Babel, “O ale Nebukadnesar, porangi ma Marga Kedar, jana abiskon angka jolma na di Habincaran!

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

HAKIM-HAKIM 6:3

Boti muse, ganop dung sidung manyuan gandum angka partani ni Israel, marroan ma halak Midian rap dohot halak Amalek dohot angka halak na sian parhorsihan mangaroro halak Israel.

HAKIM-HAKIM 6:5

Marudut-udut marroan angka jolma i dohot unto bope kemah ni halahi sun bahatna – nada taretong hara ni bahatna. Marroan halahi manyegohon luat i,

HAKIM-HAKIM 7:12

Marserak do sap di rura i halak Midian, Amalek dohot angka halak na sian parhorsihan i, songon dia ma siapor na marrongom idaon. Unto ni halahi pe santak bahatna, songon horsik na di topi ni laut idaon.

HAKIM-HAKIM 8:10

Di hatiha i topet ma si Zebah dohot si Salmuna dohot angka tentarania i sude di Karkor. Sian sude parangan ni angka halak parhorsihan i, hum hira-hira lima bolas ribu halak sajo noma na tinggal; ma hona bunu tentarania i saratus dua pulu ribu halak na marsinjatahon podang.

1 SAMUEL 25:2

Di hatiha i adong do sada bayo di Maon, nampuna usaho di lambung kota Karmel. Na kayo do ia jana adong do tolu ribu biri-birinia dohot hambengnia saribu. Sanoli manggusting imbulu ni biri-birina do ibana di Karmel.

1 SAMUEL 27:9

jana dibunu halahi do sude halaklahi dohot dadaboru jana dirampas halahi biri-biri, lombu, halode, unto dohot angka pakean na. Dung i mulak ma ia jana dipaboa ia do tu si Akhis.