JESAYA 9:9 - BIBEL JAMITA NA DENGGAN

⁹ Padiar ma sude bangso i umbotosa, i ma Efraim dohot rayat Samaria na marhite gakgak dohot ginjang ni rohana mandok,

JESAYA 9:9 ပူးပေါင်းရင်းမြစ်များ

1 RAJA-RAJA 22:25

Dialusi si Mika ma, “Idaonmu do i annon di na masuk ho martabuni tu kamar pudi.”

PODA 16:18

Ginjang ni roha mambaen hasegoan; bulbul mambaen hasarsaran.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JESAYA 28:3

Dege-degeonna hatongamon ni angka pamimpinna na mabuk i.

JESAYA 46:12

Tangihon ma Au, ale angka jolma na jogal, angka halak na dao sian hasintongan:

JESAYA 48:4

Huboto do ho sijogal roha, kapala batu, pir songon bosi.

JESAYA 7:2

Di na tarbege tu si Ahas raja ni Juda na masuk tentara ni Siria tu luat ni Israel, gabe sun ma biar ni rohania dohot bangsona, jabat humitir halahi songon bona ni hayu na niombus ni alogo.

JESAYA 9:8

Madung dipaboa Tuhan uhum tu Israel angka pinompar ni si Jakob.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEHESKIEL 30:19

Songon i ma baenonKu manguhumi Mesir, jadi gabe botoon ni halahi ma Au do Tuhan.”

JEHESKIEL 33:33

Tulus do sude na nidokkonmu, jana muda dapot hatihana, botoon ni halahi ma, na dung jungada adong sada panurirang di tonga-tonga ni halahi.”

JEHESKIEL 7:27

Mangandung ma raja, mandele ma anak ni raja i jana humitir ma rayat i hara ni biarna. UhumanKu noma hamu hombar tu parbuatanmunu sudena jana uhumanKu ma hamu songon panguhumimunu di halak na asing. Jadi gabe botoonmunu ma bahaso Au do Tuhan.”

JEHESKIEL 7:9

Nada ibo rohangKu sanga ampunanKu hamu. Giot uhumanKu hamu hombar tu sude hajorbutan na nibaenmunu i. Jadi gabe botoonmunu ma bahaso Au do Tuhan jana Au do na manguhumi hamu.”

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

MALEAKI 3:13

Sai dipahata-hata hamu do Au ninna Tuhan. Tapi didok hamu do, “Aha ma he na hami hata-hatahon taringot tu Ho?”

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”