JESAYA 9:6 - BIBEL JAMITA NA DENGGAN

⁶ Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JESAYA 9:6 ပူးပေါင်းရင်းမြစ်များ

2 SAMUEL 7:13

Ia do na giot pajongjong bagas di Au, jana pahotonKu harajaannia sapanjangna.

2 SAMUEL 7:16

Angkon tongtong do adong pomparanmu, jana baenonKu harajaanmu martahan salolot-lolotna. Na so ra marujung do harajaanmu?’ ”

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

1 RAJA-RAJA 2:33

Uhum hara ni hamatean ni kapala ni tentara na dua i, si Joab do manaon i dohot pomparanna ro di salolotna. Tapi sude pomparan ni damang na gabe raja, tongtong dipasupasu Tuhan anso maruntung halahi.”

1 RAJA-RAJA 2:45

tapi pasupasuonNa do au jana harajaan ni damang pahotonNa ro di salolot-lolotna.”

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

MASMUR 45:3

Solotkon bo podang di gonting, o raja ulubalang, na tongam ma da raja i jana marmulia!

MASMUR 45:6

Markite-hite uhum diparenta raja i rayat, hot do habangsa harajaan na nipasahat ni Debata.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

MASMUR 50:1

Mangkuling ma Tuhan, Debata Na Markuaso i; pio-pio ma Ia tu sude portibion sian Habincaran lopus tu Hasundutan.

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

MASMUR 72:3

Sai sonang jana maduma ma nian luatnami, jana dumpang hatigoran di sude bangso.

MASMUR 72:7

Salolot di ngoluna, sai mur tu jegesna ma manjarar hatigoran, jana donaon na marlobian saleleng adong dope bulan!

MASMUR 85:10

Marsuo ma da holong dohot habonaran dame dohot hatigoran marsihaolan.

MASMUR 89:5

Ale Tuhan, dipuji na marlagut di banua ginjang i do karejoMu na godang i, hasetiaonMu diendehon angka pardibanua ginjang.

PODA 8:23

Madung di tompa au di mula ni mulana, dompak so adong dope tano on.

JESAYA 10:21

Bangso Israel na teba sisaotik i, mangulahi ma burju mangoloi Debata parmonang i.

JESAYA 11:5

Markite hasintongan dohot hatigoran do aturonNia bangsoNa.

JESAYA 16:5

Dung i gabe raja ma sada sian pomparan ni si Daud, jana parentaonnia ma bangsonia marhite holong dohot burju ni rohana. Pajongjongonnia ma hatigoran jana ompotannia noma mambaen tindakan laho mambaen na tigor.)

JESAYA 26:12

Tuhan, baenonMu ma hami sonang so haribo-riboan, sude sibaenonnami Ho do mangkarejohonsa.

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

JESAYA 28:29

Sian Tuhan Na Markuaso i do haroro ni habisuhon i. Sai na matua bisuk do sude sangkap ni Tuhan jana sai manjadi.

JESAYA 32:1

Di sada hatiha, na giot ro, adong ma sada raja na adil mamarenta, jana angka pamimpin ni bangso i pe mandalankon hatigoran.

JESAYA 37:32

Di Jerusalem dohot di ginjang ni Dolok Sion adong ma angka halak na malua, harana madung ditontuhon Tuhan Na Markuaso i angkon tarjadi na songon i.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

JESAYA 53:5

Hara ni angka dosanta, do ia mabugangi, jana hara ni hajahatanta ia dibalbali. Hona uhum ia anso malua hita, hara ni angka gasania gabe malum hita.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

JESAYA 66:12

Songon on do pandok ni Tuhan, “LehenonKu ma di hamu dame na manongtong. Mabaor ma tu hamu sinadongan ni angka bangso songon batang aek na so jungada hiang. Tudos ma hamu tu dakdanak na nipasusu ni inangna, diabing diampuanna jana di turke-turke mardongan holong ni roha.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

HAGAI 2:9

Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.

MATEUS 1:1

Songon on ma tarombo ni angka ompu na umpompar Jesus Kristus, pomparan ni si Daud, pomparan ni si Abraham. Sian si Abraham lalu tu si Daud dapot ma angka goar na di toru on:

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 2:11

Madung sorang sadari on di Kota Ni si Daud, Sipalua i, i ma Kristus Tuhan i.

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

PANGARATAION 10:17

Di ginjang ni sude debata do Tuhan Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.

KOLOSSE 2:3

Harana dibagasan Ia do buni sude arta habisuhon dohot hapistaran.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

IBRANI 1:8

Hape anggo tu Anak i didok Debata do, “Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

HAKIM-HAKIM 13:18

Marsapa ma Surusuruan Ni Tuhan i, “Biasi giot botoonmu lakna goarKu. Anggo goarKi hahomangan do.”