JESAYA 9:5 - BIBEL JAMITA NA DENGGAN

⁵ Sipatu ni tentara na mangolat dohot bajuna na margulu mudar, gabe bagian ni api lopus puntung sasudena.

JESAYA 9:5 ပူးပေါင်းရင်းမြစ်များ

PAMUNGKAAN 32:30

Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

MASMUR 72:3

Sai sonang jana maduma ma nian luatnami, jana dumpang hatigoran di sude bangso.

HARURUAR 23:21

Matahon hamu ma tusia jana oloi hamu. Ulang mangalo hamu tusia angke na Huutus do ia, jana indangkan na ra ia mangampuni halak na mangalanggar songon i.

JESAYA 13:4

Tangihon ma sora na gaor-gaor di dolok i – sora ni halak na marlagut bahat sajo, hagaoron ni angka bangso dohot angka harajaan na marlagut. Hatiha mamareso barisan na giot marporang i ma Tuhan Na Markuaso i.

JESAYA 2:4

Angkon gabe panguhum do Ia ditonga-tonga ni angka bangso jana gabe juri tu marga ni bahat bangso; anso ditopa halahi ma angka podangna gabe mata ni bajak jana angka tombakna manjadi piso cukur; nasa bangso nada be mangangkat podang maralohon bangso, jana nada be marsiajar marporang halahi.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 4:4

Markite-hite kuasoNia sandiri, adilan ni Tuhan ma bangsoNia i jana papolinonna. BasuonNia ma Jerusalem sian hasalaanna dohot sian mudar ni halak na so marsala na hona bunu di kota i.

JESAYA 9:4

Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JEREMIA 47:3

Tarbege ma di halahi sora ni parlojong ni kudo, sora ni pargaruntang ni kareta, dohot pargarutuk ni angka rodana. Gabe manggalei ma pangkilalaan ni angka na matobang, jana nada be dipikirkonsa dakdanakna angke madung gale sanga nada margogo be.

JOEL 2:5

Muda mangalumpat-lumpat halahi di partoran, sorana i suman tu pargaruntang ni kareta di porang, jana songon parsesek ni api na marjilam-jilam, na manutung durame. Marbaris do halahi songon parangan na gogo-gogo, na dung hobas kehe marporang.

HAMALIMON 3:11

Angkon tutungon ni malim na markarejo disi sudena i di ginjang ni langgatan gabe haul sipanganon di Tuhan.

HAMALIMON 3:16

Tutungon ni malim i ma sudena i di ginjang ni langgatan, gabe haul sipanganon na pajop roha ni Tuhan. Sude tabo-tabona i di Tuhan do i.

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

NAHUM 3:2

Bege ma parlisik ni loncing-loncing dohot parderek ni kareta, pamakpak ni kudo dohot panghutur ni kareta.

ZAKARIA 6:13

Ia ma da halakna na giot mambangun Bagas Ni Tuhan jana na manjagit hasangapan songon sada raja, jana mamarenta ma ia tu rayatnia i. Adong ma sada malim na gabe dongan pangalambunginia jana denggan do halahi rap saparkarejoan jana di bagasan dame.’

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

BAENON NI ANGKA RASUL 2:19

BaenonKu ma angka hahomangan di ginjang, di langit, dohot angka tanda di toru, di tano on; adong ma mudar dohot api, uas dohot timus.

BAENON NI ANGKA RASUL 2:3

Dung i diida halahi ma angka dila songon jilam ni api na mangararati songgop tu halahi sude.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

HAKIM-HAKIM 13:18

Marsapa ma Surusuruan Ni Tuhan i, “Biasi giot botoonmu lakna goarKu. Anggo goarKi hahomangan do.”

1 SAMUEL 14:19

Dompak mangkobari dope si Saul tu malim i, mur jebu ma hagaoron na di parbandaran ni halak Pilistin i, gabe didok si Saul ma tu malim i, “Nada sanga be hatiha mangido panogu-noguon sian Tuhan!”