JESAYA 9:4 - BIBEL JAMITA NA DENGGAN

⁴ Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.

JESAYA 9:4 ပူးပေါင်းရင်းမြစ်များ

PAMUNGKAAN 27:40

Sian podangmi ma ho mangolu. Tapi laing naposo ni anggimu do ho. Tapi muda mangarunta ho, malua ma ho sian kuasonia.”

MASMUR 125:3

Nada sai torus markuaso anggo parjahat di tano ni angka halak na burju, anso ulang dohot muse na burju i mambaen na jahat.

MASMUR 81:6

“Madung Hubuat boban sian tangkuhukmu, Hutalduskon do lanjaan ni boban sian abaramu.

JESAYA 10:16

Dibaen madung manyombong halak Asur, paroon ni Tuhan Na Markuaso i ma nyae laho manguhumi angka perwira na mamokmohi saonnari. Hona arun na lobi milas ma halahi songon api na torus manutungi.

JESAYA 10:5

Didok Tuhan ma, “Hupake do Asur songon potuk-potuk laho mamukul angka halak na giot simuruhanKu.

JESAYA 14:25

PusaonKu ma halak Asur na di Israel tanongKi jana na maringanan di angka dolok Hudege-dege ma i. PaluaonKu ma bangsongKi sian boban na nipaksahon ni halak Asur tu halahi.

JESAYA 16:4

Paloas hami maringanan di luatmu. Ondingi hami sian halak na giot mamunu hami.” (Muli marujung do na mamparhanciti dohot na mangabisi jana muli kehe do angka jolma na manyegohon tano ni Israel.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 51:13

Hara ni i dihalupahon ho ma Tuhan na manompa ho, na pahembangkon langit jana mamayakkon ojahan ni tano on, hara ni i mabiar jana gamang ho sasadari, maradopkon pangamuk ni na mamparkanciti, di na singkop ia giot pangabiskon ho. Di dia ma he lakna pangamuk ni na mamparkanciti i?

JESAYA 52:2

Paspaskon ma abu na lohot di pamatangmi, ngot ma ho, ale Jerusalem na nitaban! Talduskon ma ihot-ihot sian rungkungmu, ale boru Sion na tartaban!

JESAYA 54:14

Di gincat ni hatigoran ma pajongjongon ho. Dao ma sian ho angka na manindas ho, angke nada pola mabiar ho jana nada tarsonggot ho, angke nada ro be i tu ho.

JESAYA 9:5

Sipatu ni tentara na mangolat dohot bajuna na margulu mudar, gabe bagian ni api lopus puntung sasudena.

JEREMIA 30:8

Didok Tuhan Na Markuaso i do, “Muda dung dapot ari i, tipulkononKu ma auga na dibaen tu tangkuhuk ni halahi i jana rante ni halahi Hutalduskon. Nada be gabe hatoban ni halak na asing halahi.

JEREMIA 48:17

Hamu angka harajaan torbing balok ni Moab na umboto habonggalonna, marsiluluton ma hamu hara ni ia! Dok hamu ma, ‘Nada markuaso be Moab, madung mago hagodangan dohot hagogoannia!’

HAMALIMON 26:13

Au do Tuhan Debatamu na maroban hamu ruar sian tano Mesir anso ulang diparhatoban hamu. Madung Huponggolkon kuaso na mandondoni hamu, jana Hubaen hamu gabe halak na dung malua.”

NAHUM 1:13

Saonnari ponggolkononKu ma boban na mamborati ho, jana gotapkononKu rante na manambat hamu.”