JESAYA 9:3 - BIBEL JAMITA NA DENGGAN

³ Tuhan, dilehen Ho do jop ni roha godang, padumpangkon halahi tu na torang. Hara ni denggan ni rohaMu marmoga-moga halahi, songon halak na marjop ni roha di na palagutkon suha ni karejona sanga di na marbagi taban.

JESAYA 9:3 ပူးပေါင်းရင်းမြစ်များ

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

JOB 12:23

Angka bangso dibaen Ia ma gabe jana maduma, lopus diabiskon Ia halahi gabe sisoada.

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

MASMUR 119:162

Baga-bagaMu mambaen jop ni rohangku, songon halak na dapotan harto.

MASMUR 4:7

Jopan do rohangku dibaen Ho ulang pado halak na marlobian di harto.

JESAYA 10:26

Au Tuhan Na Markuaso, giot sambohonKu halahi dohot loncing-loncing, songon panggosangKu di halak Midian di Dolok Batu Oreb. UhumanKu do Asur songon panguhumKu di Mesir.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 14:5

Madung diantak Tuhan pangarajaion ni angka parkuaso na jahat

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

JESAYA 26:15

Ditambai Ho bangsoMu marlompit ganda, ale Tuhan, jana dipabidang Ho luat ni halahi, dipasangap halahi ma Ho hara ni i.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JESAYA 54:1

Marsurak-surak ma, o ale na so maruntungan, na so jungada manyorangkon! Marjop ni roha jana marsurak ma ho marmoga-moga, ale ho na so jungada manaon parhancitan i. Harana umbahat do dakdanak ni na so marhalaklahi sian na marhalaklahi, ninna Tuhan.

JESAYA 55:12

Satutuna, na giot kehe noma hamu di bagasan jop ni roha, dipataru tu balian di bagasan sonang. Dolok dohot tor marendei marmoga-moga di jolomu, jana angka hayu pe martopapi.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 61:7

Nada be maila sanga dipabile hamu mangulahi; tanomunu i hamu sandiri noma mangingani. Hamoraonmunu marlompit ganda, jop ni rohamunu hot ma salolotna.

JESAYA 65:14

Marende ma halahi marjop ni roha, hape anggo hamu ngotngot tangis.

JESAYA 65:18

Marjop ni roha jana marmoga-moga ma hamu salolotna, hara ni sude na Hutompa i. TompaonKu ma Jerusalem na imbaru gok jop ni roha, jana na maringanan disi marjop ni roha.

JESAYA 66:10

Ale hamu na manghaholongi Jerusalem, beta ma marjop ni roha, marmoga-moga ma hara ni i! Hamu na marsak hara ni ia, saonnari tola ma marjop ni roha.

JEREMIA 31:7

Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

HOSEA 4:7

Mur martamba bahatmunu, mur mardosa muse do hamu tu Au, ale angka malim! Harana angkon paubaonKu do na masa tu hamu. Nada pasangapon be hamu tapi palayason noma.

HAMALIMON 26:13

Au do Tuhan Debatamu na maroban hamu ruar sian tano Mesir anso ulang diparhatoban hamu. Madung Huponggolkon kuaso na mandondoni hamu, jana Hubaen hamu gabe halak na dung malua.”

ZAKARIA 10:8

PiohononKu ma bangsongKu gabe sada punguan baenonKu. Hupalua halahi jana sabahat ni na jolo baenonKu.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

LUKAS 11:22

Tapi muda adong sada halak na gumogo sian ia jana manaluhon ia, buatonnia ma sandok sinjata na dipakenia i, jana bagi-bagionna ma sude tabanna i.

BAENON NI ANGKA RASUL 8:8

Gabe jop sajo ma roha ni halak na di kota Samaria i.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

HAKIM-HAKIM 5:3

Angka raja dohot parkuaso tangihon hamu ma, marende au di Tuhan Debata, ni Israel.

HAKIM-HAKIM 7:22

Di na nipalu ni si Gideon dohot angka donganna i sarune i, dibaen Tuhan ma tentara ni musu i marsialoan na sada tu na asing marsitampulan dohot podang. Marlojong ma halahi adop Zarerah lopus tu Bet-Sita dohot kota Abel-Mehola na di lambung Tabat.

HAKIM-HAKIM 8:12

Marlojong ma si Zebah dohot si Salmuna raja ni Midian na dua i tapi dikojar si Gideon ma halahi jana ditangkup, jadi gabe masarsar ma parangan ni halahi i hara ni biarna.

1 SAMUEL 30:16

Dung i dipatuduhon ia ma tu halahi dalan tu inganan ni garombolan i. Marserak do di hatiha i garombolan i di sude inganan i, angka mangan, minum dohot marpesta godang do halahi hara ni bahatna barang na hona rampas na nibuat ni halahi sian Luat Pilistin dohot Juda.