JESAYA 9:20 - BIBEL JAMITA NA DENGGAN

²⁰ Di sude luat i marsirampas ma halak jana dipangan be ma sanga aha sipanganon na dapot, hape nada marnabutong. Salang dakdanak ni halahi sandiri pe dipangan halahi!

JESAYA 9:20 ပူးပေါင်းရင်းမြစ်များ

PARJAMITA 4:5

Anggo ninna, hum halak na oto sajo do na juguk mangalompit tangan jana na padiarkon dirina mate malean.

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 14:30

Haru na umpogos sian bangsongKu maduma sipanganon, jana angka halak na pogos sonang ma mangolu. Tapi masa ma haleon potir tu halak Pilistin, gabe mate ma halahi sude.

JESAYA 3:1

Jana satutuna Tuhan, Tuhan Na Markuaso, giot padaoonNa sian Jerusalem dohot sian Juda sandok jolma na nipangasahon ni halahi, dohot sude parsadiaan panganon dohot siinumon,

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 51:19

Dua ragam parmaraan na manondong ho; ise ma na dohot marsiluluton maradopkon ho? Hasusude dohot hasesego, tangkuraparon dohot podang ise ma na giot mangapoi ho?

JESAYA 8:21

Malat-alat ma angka halak na malang bagian dohot halak na haleon di luat i. Sun malena dohot murukna, jabat diburai halahi raja dohot Debata ni halahi. Sanga na tu dia pe manatap halahi, tu langit

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

JEREMIA 19:9

Hobuhon ni musu ma kota on jana manggogo ma halahi mamunu halakna. Hara ni jebuna panghobukna i jabat marsipanganan angka jolma na di bagasan kota i, salang angka dakdanakna sandiri pe tehe panganonna.”

ANDUNG 4:10

Jorbut ma da parmaraan i na mandondoni bangsongki; salang angka ina parroha na lambok dilompa ia noma anakna sandiri baen pangisi ni butuhana.

MIKA 6:14

Mangan ma hamu, tapi nada marnabutong – mur tongtong noma malean. Angkatonmunu ma angka barang-barang, tapi nada tarjagohon hamu; sanga aha na nijagohonmunu roncohononKu ma i di bagasan parporangan.

ZAKARIA 11:9

Dung i hudok ma tu punguan ni biri-biri i, “Nada ra be au marmahani hamu. Na giot mate, padiar ma marmatean, jana na giot marmara, padiar ma marmara tusi. Jadi na deba nari i padiar ma marsimatean.”

MARKUS 3:24

Muda so adong hasadaon di sada harajaan, sai marbadai rayat sama rayat disi, na giot maronco ma harajaan i.