JESAYA 9:16 - BIBEL JAMITA NA DENGGAN

¹⁶ Madung dipalilu jana digaor angka pamimpin ni bangso i rayat i.

JESAYA 9:16 ပူးပေါင်းရင်းမြစ်များ

2 JUJUR TAON 30:27

Dipangido angka malim dohot halak Levi ma pasupasu ni Tuhan di rayat i, jana sian inganan parmianan ni Debata na di banua ginjang i, ditangihon Ia do tangiang ni halahi i jana dijagit Ia do pangidoan ni halahi i.

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 19:14

Tuhan do na mambaen halahi mangalehen sipaingot na paguga-gugahon. Jadi gabe marsalaan ma antong sude na nipambaenan ni Mesir i jana pardalanna i pe songon na mabuk noma marunjoman jana tarsilandit di uta-utana i sandiri.

JESAYA 3:12

Rajaan ni angka dakdanak ma bangsongKi jana parentaon ni dadaboru. Ale bangsongKu, pamimpinmunu i ma angka pangjago, jana dalan na dibolusmunu disego-sego halahi!

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 23:13

Madung Huida dosa ni angka panurirang ni Samaria. Mangasahon goar ni Baal do halahi mandok hata jana palilu-liluhon do tu bangsongKi.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

IBRANI 7:7

Jadi sanga na bia pe nada tarsoadahon be i, na tumoruk do halak na nipasupasu ulang pado na mamasumasu i.