JESAYA 9:1 - BIBEL JAMITA NA DENGGAN

¹ Tapi nada jabat sadia honok nari, malua ma halahi sian hasusaan i. Angka luat na niinganan ni Marga Zebulon dohot Naftali jungada do dietong i na bile. Tapi anggo tu hatiha na giot ro, sude luat i sian sabola Habincaran ni Laut Tonga lopus taripar ni Batang aek Jordan, lopus tu Galilea tehe na niinganan ni halak na asing, gabe mandapot sangap ma.

JESAYA 9:1 ပူးပေါင်းရင်းမြစ်များ

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

1 JUJUR TAON 5:26

Jadi hara ni i, dipatubu Debata ma tu bagasan roha ni si Pul raja ni Asur, gabe kehe ma ia mamorangi luat i. Laing tarbarita do goar ni si Pul, si Tiglat-Pileser. Jadi gabe dioban ia ma Marga Ruben, Gad dohot Manase na di Habincaran gabe hona taban jana dibuang tu Halah, Habor, Hara dohot tu inganan na di lambung ni Batang aek Gosan. Disi noma halahi maringanan lopus tu sadari on.

2 JUJUR TAON 16:4

Satuju do si Baesa di tawaran i lalu disuru ia ma angka perwirania rap dohot pasukanna be mamorangi angka kota ni Israel. Ditaluhon halahi ma Iyon, Dan, Abel-Bet-Maaka dohot sude angka panyimpanan ni bohal na di Naftali.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

HAMALIMON 26:24

Au ma alomunu manguhum hamu pitu lompit umborat sian parjolo.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.