JESAYA 8:7 - BIBEL JAMITA NA DENGGAN

⁷ Jadi hara ni i, Au, Tuhan, paroonKu ma raja ni Asur dohot sude tentarana i laho mamorangi Juda. Nada haambatan be i songon pangalantap ni Batang aek Efrat na mambaen bonom angka tobing-tobingna i.

JESAYA 8:7 ပူးပေါင်းရင်းမြစ်များ

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

2 RAJA-RAJA 19:32

“Songon on ma na nidok ni Tuhan taringot tu raja Asur, ‘Nada tarmasuhi ia kota i sanga manembakkon sada pana pe adop kota i. Jana umpe sahalak angka parangan na marparince i na mandonohi kota i, jana nada baenonna inganan pangkobuhan humaliang ni kota i.

ESRA 4:10

dohot angka bangso na asing na hona angkat dibaen si Asnapar Na Godang jana na disuru maringanan na hot di kota Samaria dohot di angka kota na asing na di propinsi Efrat Hasundutan.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 72:8

Sian laut tu laut mur mabidang ma harajaanna sian Batang aek Efrat lalu tu ujung ni portibi.

JESAYA 10:16

Dibaen madung manyombong halak Asur, paroon ni Tuhan Na Markuaso i ma nyae laho manguhumi angka perwira na mamokmohi saonnari. Hona arun na lobi milas ma halahi songon api na torus manutungi.

JESAYA 10:5

Didok Tuhan ma, “Hupake do Asur songon potuk-potuk laho mamukul angka halak na giot simuruhanKu.

JESAYA 11:15

Pahiangon ni Tuhan ma dohot Solok Sues. BaenonNia ma mangombus alogo na milas lopus mahiang Batang aek Efrat jana gabe pitu batang aek na pejet-pejet ma disi jana sude halak tarbaen manariparisa.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 28:2

Suruhonon ni Tuhan ma sada halak na gogo jana na barani laho mamorangi halahi. Parronia songon alogo halingsungsung na mardongan ambolas, songon udan potir dohot banjir godang na mangayup dohot na mambaen bonom tano darat.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

JESAYA 7:17

Paroon ni TUHAN ma raja ni Asur, jadi daionmu ma angka ari na gok hasusaan, ho dohot rayatmu, umjorbut sian na dung jungada dibolus hamu mamungka sian dung mabola harajaan Israel dohot Juda.

JESAYA 7:20

Pakeon ni TUHAN ma raja ni Asur manaluhon, pabilehon dohot mangaroncohon Israel. Baenon ni raja Asur ma Israel songon pambaen ni sada tukang cukur na mangabisi sude obuk dohot imbulu na di pamatang.

JEREMIA 47:2

Didok Tuhan, “Ligi da, mardalan do aek sian Utara jana mangalantap songon aek magodang na mangalingkup tano i dohot isina, angka kota dohot halak na manginganisa. Mangangguhi ma halak mangido tolong jana mangandungi ma rayat sudena.

JEREMIA 51:42

Mangalantap ma aek ni laut tu Babel; gumadobur angka galumbangna i mangalingkup luat i.

JEHESKIEL 26:19

Didok Tuhan Debata i ma, “Mamolngit mangalungun ho baenonKu songon kota na so adong manginganisa. LingkuponKu ho dohot aek na sian tandolan ni laut.

DANIEL 11:10

Jadi marhobas ma angka anak ni raja ni Siria laho marporang dohot mambaen tentara na bahat. Maju ma sada sian halahi margalusak songon aek magodang torus mamorangi benteng ni musu.

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

AMOS 8:8

Nada he humutur ma tano on hara ni i, jana sude rayat marsiluluton? Nada he humuntal ma sude na i songon Batang aek Nil, dipartunggalbalikkon jana surut songon Batang aek Mesir?”

AMOS 9:5

Humutur tano jana marsak ma halak pangisina, hara ni na nigoit ni Tuhan, Debata Na Markuaso. Songon Batang aek Nil na manaek ma halahi, jana surut songon Batang aek Mesir; songon i ma halahi manaek lalu madabu.

MIKA 1:9

Nada tarpamalum be gasa ni Samaria, jana laing hona muse ma pangalaho na sarupa tu Juda. Ma pola lalu parmaraan godang tu pintu horbangan ni Jerusalem, inganan ni bangsongku.”

MIKA 5:4

jana ia do hadameon i. Muda ro tentara ni Asur mamorangi tanonta on dohot mangarumpakkon partahananta, pabangkitonta ma pitu halak parmahan mangalaho halahi, bope sanga salapan halak pamimpin ni jolma.

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

NAHUM 1:8

jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

LUKAS 6:48

Songon na pajongjong bagas do i: Na mangkuar tano i bagas-bagas jana mambaen ojahanna di batu. Di na ro banjir ditondong aek magodang ma bagas i, nada tarunggalkon banjir bagas i, harana di ginjang ni ojahan na denggan do dipajongjong bagas i.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.