JESAYA 8:20 - BIBEL JAMITA NA DENGGAN

²⁰ Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

JESAYA 8:20 ပူးပေါင်းရင်းမြစ်များ

ESRA 10:3

Tole ma marsumpa hita tu Debata, bahaso na giot paorotonta sude dadaboru i rap dohot angka dakdanak ni halahi i. Ihutkononnami noma sude sipaingotmu dohot angka sipaingot ni angka halak na asing na pasangapkon parenta ni Debata. Oloannami noma Tona Ni Debata.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 78:5

Dilehen Ia do tu Israel angka aturanNia, dohot tu pomparan ni si Jakob parentaNa. Disuru Ia angka ompu na umpompar hita mangajarkonsa tu angka dakdanakna,

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

JESAYA 8:16

Hamu angka siseanku, angkon jagoonmunu jana momosanmunu do angka tona na nilehen ni Debata tu au.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

JEREMIA 8:9

Pailaon noma angka halak na pistar di tonga-tongamunu; mago ma roha ni halahi jana tarjorat. Nada ra halahi manangihon sipaingotKu; saonnari hapistaran aha dope na tading di halahi?

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MIKA 3:6

“O Panurirang, marujung ne ma hatihamu; mamungka lusut ma mataniarimu. Dipaoto-oto hamu do bangsongKi, hara ni i nada jagitonmunu be parnidaan na pabotohon angka sangkapKu. Nada be tarlumbahon hamu sanga na aha.”

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

MATEUS 6:23

Tapi muda rambon do matamu, gabe golap sajo ma sude pamatangmu. Jadi muda golap do torang na di bagasan dirimi, golap gulita noma i.”

MARKUS 10:3

Dialusi Jesus ma dohot sapa-sapa muse. Ning Ia ma, “Aha do ditonahon si Musa tu hamu?”

LUKAS 10:26

Dialusi Jesus ma, “Bia dehe tarsurat di Buku Na Badia i? Aha do disise ho disi?”

JOHANNES 5:39

Diparsiajari hamu do nian Buku Na Badia i angke dipikir hamu dapot hamu ma hangoluan na so mantak i muda dung diparsiajari hamu i. Jana Buku Na Badia i sandiri pe disaksihon i do taringot tu Au!

BAENON NI ANGKA RASUL 17:11

Umburju do roha ni halak Berea ulang pado halak na di Tessalonika. Jop do roha ni halahi umbege barita taringot tu Jesus, jana ganop ari do dipareso-reso halahi Buku Na Badia i laho patangkaskon sanga na tutu do na niajarkon ni si Paulus.

SURAT NI SI PAULUS TU PARLAGUTAN ROM 1:22

Dipikir halahi gabe na bisuk, hape gabe na oto do halahi.

2 PETRUS 1:19

I do umbaen na mur pos rohanami di barita ni Debata na nipaboa ni angka panurirang i. Denggan sajo do sugari dohot hamu mamparate-atehon barita i, angke songon lampu na marsinondang di inganan na golap do barita i jana marsinondang ma i songon sinondang ni bintang di andostorang di bagasan rohamunu.

2 PETRUS 1:9

Tapi anggo halak na so marpangalaho na songon i, gabe sompit do parnidaan ni i, nada adong diida ia jana lupa do ia na nisesa angka dosania na salpu i.