JESAYA 8:18 - BIBEL JAMITA NA DENGGAN

¹⁸ On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

JESAYA 8:18 ပူးပေါင်းရင်းမြစ်များ

PAMUNGKAAN 33:5

Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”

1 JUJUR TAON 23:25

Didok si Daud ma, “Aman do dibaen Tuhan Debata ni Israel ngolu ni bangsoNia, jana maringanan di Jerusalem do Ia sandiri salolot-lolotna.

MASMUR 22:30

Oloan ni angka sundut na mangihut tu Tuhan, marsundut-sundut Ia baritahononna.

MASMUR 71:7

Gabe tiruan na denggan do ngolungku di halak na bahat, angke Ho do antong pangondianku na gogo.

MASMUR 9:11

Debata na mamarenta di Sion, Ia do sipujion! Paboa ma pambaenanNia tu sude bangso.

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 14:32

Aha ma ulaning alusta tu angka suruan na ro i sian Pilistin? Tadok ma tu halahi bahaso na dung dipauli Tuhan, Sion jana disi ma dapotan pangondian bangsoNia na marhancit.

JESAYA 20:3

Dompak hona hobuk kota Asdod, didok Tuhan ma, “Madung tolu taon marsae mara jana nada marsolop naposongKu si Jesaya. On ma tanda ni na giot tarjadi tu Mesir dohot Sudan.

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

JESAYA 7:16

Harana painte so diboto anak i manulak na jat bope mamili na denggan anggo luat ni raja na dua na nihabiaranmi, gabe tarulang noma i.

JESAYA 7:3

Didok Tuhan ma tu si Jesaya, “Oban ma anakmu si Sear Jasub jana dapotkon ma Raja Ahas. Dapotonmu ma ia di ujung ni bondar dalan ni aek na tu sumur parginjang i.

JESAYA 8:3

Dung adong sadia honok denggan ma pamatang ni dadaborungku. Di na sorang anaknami, didok Tuhan ma tu au, “Baen ma goarna ‘Maher-Salal dohot Has-Bas.’

JEREMIA 44:29

ParoonKu ma jaya tu hamu di inganan on laho patandahon tu hamu paboa na tutu situtu do tarjadi uhuman na dung Husangkaphon tu hamu.

JEHESKIEL 14:8

Giot aloonKu halahi, jana baenonKu gabe sipatondit tu halak na asing. PaasingonKu i sian masarakat ni bangsongKu, jadi gabe botoon ni bangsongKi ma bahaso Au do Tuhan.

JEHESKIEL 4:3

Buat ma panci bosi jana etong ma i tarsongon sada dinding bosi; payakkon ma panci i di antaramu dohot kota Jerusalem. Dung i paadop ma tu kota i, songon na ho sandiri ma na manghobuk kota i. Songon tanda do i di bangso Israel.

ZAKARIA 3:8

Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

LUKAS 2:18

Halak pe homang ma rohana umbege carito ni angka parmahan i.

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

PANGARATAION 28:46

Sudena i ma na gabe bukti ni uhuman ni Tuhan tu ho dohot pomparanmunu salolot-lolotna.

IBRANI 10:33

Huhul hona incak do hamu jana gabe sitontonan di jolo ni halak na bahat. Huhul laing dohot do hamu manaon dohot halahi na manaon songon i,

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.