JESAYA 8:16 - BIBEL JAMITA NA DENGGAN

¹⁶ Hamu angka siseanku, angkon jagoonmunu jana momosanmunu do angka tona na nilehen ni Debata tu au.

JESAYA 8:16 ပူးပေါင်းရင်းမြစ်များ

2 RAJA-RAJA 11:12

Dung i dioban si Joyada ma si Joas tu ruar, mamake tuku di uluna i, jana dilehen ia tu si Joas tona ni Debata. Diangkat ma si Joas gabe raja jana dibaen ma boa-boana tu rayat. Martopapi ma rayat jana marsurahi, “Horas ma di raja i!”

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

JESAYA 50:4

Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

JESAYA 54:13

Au sandiri mangajari angka anakmu, anso mangolu sonang nian boti makmur.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

DANIEL 12:4

Dung i didok surusuruan i muse ma tu au, “Daniel, tutup ma Buku i saonnari jana baen ma segelna anso tongtong tutup Buku i lopus tu hatiha na parpudi. Bahat do halak na giot manangkasi sanga aha na giot tarjadi. Tapi nada adong gunana karejo ni halahi i.”

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

MARKUS 10:10

Jadi dung mulak halahi tu bagas, disapai angka siseanNia i ma tuSia taringot tusi.

MARKUS 4:34

Sai marumpama do Jesus muda mangajari Ia tu halak na bahat i. Tapi anggo Ia dohot angka siseanNia i sajo, dipatorang Ia do sude tu halahi.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

PANGARATAION 4:45

Dilehen ia angka aturan tu halahi dung haruar halahi sian Mesir,

IBRANI 3:5

Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro.

HALUMBAAN 10:4

Disi mangkuling ronggur na pitu i, giot suratkononku ma nian, hape hubege ma manigor sada sora sian banua ginjang na mandok, “Angkon rahasiahononmu do sanga aha na nidok ni ronggur na pitu i; ulang suratkon i!”

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

HALUMBAAN 5:1

Dung i huida ma di siamun ni na juguk di ginjang ni habangsa i sada pustaha na marsurat di bagasan dohot di luar, jana na nicap dohot pitu cap.

HALUMBAAN 5:5

Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”