JESAYA 8:14 - BIBEL JAMITA NA DENGGAN

¹⁴ Dibaen na sun badia do Au, gabe batu partuktuhan ma Au di rayat ni Juda, Israel dohot Jerusalem. Songon tirangkap do Au na giot manangkup halahi.

JESAYA 8:14 ပူးပေါင်းရင်းမြစ်များ

MASMUR 11:6

Tu halak na jahat diparo do udan api dohot barerang, diuhum Ia halahi dohot haba-haba na manutung lopus marragean.

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

MASMUR 69:22

Sai gabe hamamagona sandiri ma pesta ni halahi, jana gabe bala ma nian pesta pangupaan ni halahi.

PODA 18:10

Songon palas-palas na togu do Tuhan; tusi do maporus halak partigor anso malua.

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

JESAYA 26:20

Masuk ma hamu tu bagasmunu i ale bangsongKu, lalu tutupkon ma pintuna i. Martabuni ma hamu sangombas lopus mombun rimas ni Tuhan.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

JESAYA 4:6

LaunganNia ma kota i sian las ni ari hatiha arian, jana mambaensa gabe inganan na sonang na so hona udan dohot bade.

JESAYA 59:10

Dadap-dadap do hami songon na mapitung, di torang ni ari pe tartuktuk hami, songon na di potang ni ari jana na juguk di na golap songon halak na mate.

JESAYA 7:16

Harana painte so diboto anak i manulak na jat bope mamili na denggan anggo luat ni raja na dua na nihabiaranmi, gabe tarulang noma i.

JEREMIA 6:21

BaenonKu ma dalanna anso tartuktuk angka jolma on lalu tinggang. Ama dohot dakdanakna, dongan maradu hombar bagasna marmara noma.”

JEHESKIEL 11:16

Hara ni i, palalu ma jolo tonangKon tu angka donganmu na tarbuang i, Au do na maroban halahi songon i daona tu tonga-tonga ni angka bangso jana paserakkon halahi di angka luat i. Tapi haru songon i pe, sai na dongananKu do halahi taran disi halahi.

JEHESKIEL 3:20

Muda dipungka sada halak na burju mambaen dosa, jana Hupaadop ia tu batu partuktuhan, mate ma ia. Hara ni na so dipaingot ho ia, mate ma ia di bagasan dosana, jana angka pangalahonia na denggan i nada ingotonKu be i. Tapi anggo patunda ni hamamatenia, sian ho do i tungguonKu.

MATEUS 13:57

Gabe nada ra halahi manjagit Jesus. Gabe didok Jesus ma tu halahi, “Jadi anggo panurirang, sanga di dia pe dipasangap halak do i. Tapi nada sangap ia anggo di huta hagodangan dohot di bagasnia sandiri.”

MATEUS 21:44

Sanga ise na madabu tu batu i, angkon gabe masarsar. Jana sanga ise na didondoni batu i, angkon magopu gabe abu.]”

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

LUKAS 21:35

Angke songon tirangkap do parro ni ari i tu halak na satano on.

SURAT NI SI PAULUS TU PARLAGUTAN ROM 11:35

Ise ma halak na jungada mangalehen bagi aha tuSia , jana gabe tarbaensa martunggu balosna?”

JOSUA 10:7

Dung i kehe ma si Josua rap dohot sude tentarania, dohot angka parangan na dumenggan sian Gilgal laho marporang.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.