JESAYA 8:11 - BIBEL JAMITA NA DENGGAN

¹¹ Marhite kuasoNia na godang i dilehen Ia ma sipaingot tu au anso ulang hutiru pangalaho ni bangso i.

JESAYA 8:11 ပူးပေါင်းရင်းမြစ်များ

1 RAJA-RAJA 18:46

Mandapot gogo ma si Elia di ombas i sian Tuhan. Dilompit ia ma baju jubania i tu ginjang jana ditambat ia ma tu gontingnia, jadi dilojong ia ma manjoloi si Ahab sapanjang dalan i lopus lalu tu horbangan ni Jesreel.

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

PODA 1:15

Ulang ho kehe dohot angka jolma sisongon i, ale anakku! Padao ma dirimu sian halahi.

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

JEREMIA 15:19

Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.

JEREMIA 20:7

O Tuhan, Ho do mangelek au jana madung hona elekMu au. Gumogo do Ho sian au jana madung dipatunduk Ho au. Dipacia-cia sude halak au, dipalayas sian manyogot lalu tu potang ari.

JEREMIA 20:9

Tapi muda hudok di bagasan rohangku “Halupahon ma Ia, nada ra be au mangkuling mangasahon goarNia,” jadi gabe songon api ma tonaMi manggara-gara di ate-atengki. Huuji do nian manahansa hape nada tolap iba.

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

BAENON NI ANGKA RASUL 4:20

Harana nada tarhasipkon hami taringot tu angka na dung hami ida dohot na hami bege sandiri.”