JESAYA 7:9 - BIBEL JAMITA NA DENGGAN

⁹ Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

JESAYA 7:9 ပူးပေါင်းရင်းမြစ်များ

2 RAJA-RAJA 15:27

Di taon palima pulu duahon mamarenta Raja Usia di Juda, gabe raja ma si Pekah anak ni si Remalia di Israel. Dua pulu taon honokna mamarenta ia di Samaria.

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

JESAYA 7:10

Dipabolkas Tuhan tona na asing tu si Ahas:

JESAYA 7:4

Dokkon ma tusia: Patogu ma rohamu jana pasonang, ulang ma mabiar sanga puntol rohamu, hara ni surpu ni api na dua i, i ma hamumuruk ni si Resin dohot Aram dohot anak ni si Remalya.

JESAYA 8:4

Harana painte so tuk umur ni dakdanak i laho mandok ‘Amang’ dohot ‘Inang’, sasude sinadongan ni Damaskus dohot sude barang na nirampas ni Samaria, haldungon ni raja Asur ma i.”

JESAYA 9:9

Padiar ma sude bangso i umbotosa, i ma Efraim dohot rayat Samaria na marhite gakgak dohot ginjang ni rohana mandok,

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

MIKA 1:5

Tarjadi pe sudena i hara ni na mardosa jana mangalo do halak Israel tu Debata. Ise dehe na sala umbaen jabat Israel mardosa? Nada he Samaria kota sabunganna sandiri do? Ise dehe na sala umbaen jabat Jerusalem marsomba gana-ganaan? Nada he Jerusalem sambing do?

BAENON NI ANGKA RASUL 27:11

Tapi porsayaan do perwira i tu juru mudi dohot tu kapiten ni kapal i ulang pado tu na nidok ni si Paulus i.

BAENON NI ANGKA RASUL 27:25

Jadi hara ni i hamu ale angka dongan, angkon godang ma rohanta! Angke pos do rohangku di Debata, angkon tulus do sudena na nidokNia i tu au.

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

1 JOHANNES 5:10

Hara ni i, sanga ise halak na porsaya tu Anak Ni Debata, madung dijagit Ia hasaksian on di bagasan dirinia; tapi anggo halak na so porsaya tu Debata, madung dibaen Ia Debata gabe songon pargabus, angke nada porsaya ia tu na nipatangkas ni Debata taringot tu AnakNia i.