JESAYA 7:22 - BIBEL JAMITA NA DENGGAN

²² Susu ni pahan-pahanan i pe madung lobi sian na tuk laho manggohi haporluan ni partani i tu haporluanna hara ni hurangna bahat ni jolma na mangingani luat i. Tutu do, sanga na piga-piga halak nari na tading di luat i mangan susu ma dohot aer ni loba.

JESAYA 7:22 ပူးပေါင်းရင်းမြစ်များ

PAMUNGKAAN 18:8

Dibuat si Abraham ma susu, dohot susu na mata dohot juhut ni anak ni lombu sinangkin, dipasahat ia ma tu jolo ni angka tamunia i. Si Abraham sandiri do mangoloi halahi di toru ni hayu i di na mangan i halahi.

2 SAMUEL 17:29

aer ni loba, miak, kapala ni susu dohot biri-biri sanga na piga. Diboto halahi do na malean si Daud dohot parangannia i, manguas boti loja hara ni na mardalan di halongonan i.

JESAYA 14:30

Haru na umpogos sian bangsongKu maduma sipanganon, jana angka halak na pogos sonang ma mangolu. Tapi masa ma haleon potir tu halak Pilistin, gabe mate ma halahi sude.

JESAYA 17:2

Tadingkonon noma angka kota ni Siria salolot-lolotna jana gabe inganan ni pahan-pahanan noma i; umpe adong sahalak na mangayaksa.

JESAYA 7:15

Angkon panganonnia do susu dohot aer ni loba, lopus diboto ia manulak na jat dohot mamili na denggan.

JESAYA 8:15

Bahat do halak na giot tartuktuk dohot na mabugang. Julung tu bagasan tirangkap noma halahi.”

MATEUS 3:4

Sian imbulu ni unto do dibaen pakean na nipake ni si Johannes on. Bobatnia sian bobak. Siapor dohot aer ni loba do panganonnia.