JESAYA 7:20 - BIBEL JAMITA NA DENGGAN

²⁰ Pakeon ni TUHAN ma raja ni Asur manaluhon, pabilehon dohot mangaroncohon Israel. Baenon ni raja Asur ma Israel songon pambaen ni sada tukang cukur na mangabisi sude obuk dohot imbulu na di pamatang.

JESAYA 7:20 ပူးပေါင်းရင်းမြစ်များ

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

JESAYA 10:15

Tapi didok Tuhan ma, “Tarbaen pato ma he manggodangkon dirina maradopkon na mamakesa? Umporlu ma he gargaji ulang pado halak na mamakesa? Nanggo da potuk-potuk mangangkat halak, tapi halak do na mangangkat potuk-potuk.”

JESAYA 11:15

Pahiangon ni Tuhan ma dohot Solok Sues. BaenonNia ma mangombus alogo na milas lopus mahiang Batang aek Efrat jana gabe pitu batang aek na pejet-pejet ma disi jana sude halak tarbaen manariparisa.

JESAYA 36:1

Di taon paopat bolaskon mamarenta si Hiskia raja ni Juda, diporangi jana ditaluhon si Sanherib raja ni Asur ma angka kota ni Juda na marbenteng, jana ditaban ma luat i.

JESAYA 8:7

Jadi hara ni i, Au, Tuhan, paroonKu ma raja ni Asur dohot sude tentarana i laho mamorangi Juda. Nada haambatan be i songon pangalantap ni Batang aek Efrat na mambaen bonom angka tobing-tobingna i.

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

JEREMIA 2:18

Na mahua ma ho tu Mesir? Na giot manginum aek ni Batang aek Nil? Na giot mahua ma ho tu Asur? Na giot manginum aek ni Batang aek Efrat?

JEHESKIEL 29:18

“Ale jolma parsantongkinan, ro do Raja Nebukadnesar sian Babel mamungka porang tu Tirus. Disuru ia, angka parajurit mamorsan boban na lobi dokdok, jabat gabe palpalon ulu ni halahi jana helpat abara ni halahi, hape umpe bagia aha dapot raja i bope tentarania i sian haloloja na songon i.

JEHESKIEL 29:20

Hulehen tano Mesir tusia songon garar ni angka pambaenannia, dibaen madung karejo tentarania i tu haporluanKu. Au Tuhan Debata madung mandok songon i.