JESAYA 7:14 - BIBEL JAMITA NA DENGGAN

¹⁴ Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JESAYA 7:14 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 29:32

Denggan ma pamatang ni si Lea, jadi sorang ma sada anaknia halaklahi. Ning ia ma, “Ditatap Tuhan do hape hasusaanku, jana haholongan ni halaklahingku noma au.” Jadi dibaen ia ma goar ni anaknia i, si Ruben.

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

PAMUNGKAAN 30:6

Didok si Rahel ma, “Pihak tu au do hape Debata. Ditangihon Ia do pangidoanku jana dilehen Ia do di au sada anak halaklahi.” Jana dibaen ia ma goar ni dakdanak i, si Dan.

PAMUNGKAAN 30:8

Ninna si Rahel ma, “Ma huabisi gogongku maralohon angkangku, hape monang do au,” hara ni i dibaen ia ma goar ni dakdanak i, si Naftali.

PAMUNGKAAN 4:25

Maruli anak dope si Adam dohot dadaborunia sada nari. Ning si Hawa ma, “Dilehen Debata dope baya di au sada nari anak gonti ni si Abel na nibunu ni si Kain i.” I ma umbaen si Set dibaen ia goar ni anaknia i.

1 RAJA-RAJA 13:3

Didok panurirang i muse ma, “Magargar ma langgatan on, jana use ma abuan na di ginjangna i. I ma tandana paboa na tutu disuru Tuhan au.”

MASMUR 46:8

Tole bo, ligi ma na nikarejohon ni Tuhan; hahomangan ma da karejo ni tanganNia di tano on!

JESAYA 38:7

Dialusi si Jesaya ma, “On ma na gabe partanda di ho sian Tuhan, bahaso na angkon patuluson ni Tuhan do sanga aha na dung dijanjihonNia.

JESAYA 8:10

Baen ma sangkap, tapi nada marguna sudena i. Roha-rohamu ma mandokkon hata! Nada adong guna ni i sudena, angke Debata do na mandongani hami.

JESAYA 8:8

Masuhan ni halahi ma Juda songon aek magodang na mangalantap jabat liput abara jana mambaen bonom sasudena; jana habongna na mangirbang i ma manutupi sude luatmu; ale Immanuel!”

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEREMIA 44:29

ParoonKu ma jaya tu hamu di inganan on laho patandahon tu hamu paboa na tutu situtu do tarjadi uhuman na dung Husangkaphon tu hamu.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

LUKAS 1:31

Denggan ma pamatangmu jana sorang ma sada anakmu, jana angkon Jesus do baenonmu goarNa.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 2:12

Songon on ma tandana: Dapot hamu ma disi Dakdanak na baru sorang dibungkus dohot lampin, dipapodom di bagasan palangka ni pahan-pahanan.”

LUKAS 20:44

Muda ‘Tuhan’ do Ia didok si Daud, tarbia ma parjadina Kristus i pinompar ni si Daud muse?”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

HAKIM-HAKIM 6:36

Dung i didok si Gideon ma tu Debata, “Tuhan, madung didokkon Ho na ra do Ho mamake au laho paluahon halak Israel.

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”

1 SAMUEL 4:21

Dibaen ia ma goar ni dakdanak i si Ikabod, angke didok ia, “Ma mago hasangapan ni Debata na marmulia i sian Israel,” – anggo maksudnia i ma paboa na dung dirampas musu do Poti Parjanjian i jana amangborunia dohot halaklahinia pe madung jumolo monding. Jadi hara ni i ma didok ia, “Madung mago hasangapan ni Debata na marmulia i sian Israel, angke madung hona rampas Poti Parjanjian ni Debata.”