JESAYA 7:1 - BIBEL JAMITA NA DENGGAN

¹ Di hatiha ni Raja Ahas anak ni si Jotam, pahompu ni si Usia na mamarenta di Juda, masa ma porang. Satahi ma si Resin raja ni Siria dohot si Pekah anak ni si Remalya raja ni Israel. Diporangi halahi ma Jerusalem, tapi nada tartaluhonsa.

JESAYA 7:1 ပူးပေါင်းရင်းမြစ်များ

2 RAJA-RAJA 15:25

Sahalak sian angka tentarania na marpangkat, na margoar si Pekah anak ni si Remalia, mambaen kompolotan rap dohot lima pulu halak na sian Gilead, lalu dibunu halahi ma si Pekahya di sada benteng di bagas godang na di Samaria rap dohot dua halak na asing na margoar si Argob dohot si Arye. Dung i gabe raja ma si Pekah manggontihon si Pekahya.

2 RAJA-RAJA 15:27

Di taon palima pulu duahon mamarenta Raja Usia di Juda, gabe raja ma si Pekah anak ni si Remalia di Israel. Dua pulu taon honokna mamarenta ia di Samaria.

2 RAJA-RAJA 16:1

Di taon papitu bolaskon mamarenta Raja Pekah anak ni si Remalia di Israel, gabe raja ma si Ahas anak ni si Jotam di Juda.

2 RAJA-RAJA 16:5

Di hatiha i dikuasoi raja Edom ma mangulahi kota Elat jana diusir ia ma angka halak Juda na maringanan disi. Dung i ro ma halak Edom jana laing maringanan di kota i ma halahi lopus tu sadari on. Laing di hatiha i ma ro si Resin raja ni Siria dohot si Pekah raja ni Israel mamorangi dohot manghobuk Jerusalem, tapi anggo si Ahas nada tartaluhon halahi.

JESAYA 1:1

Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JESAYA 8:6

ning Ia ma, “Ditulak bangso on do aek na sonang na sian anak ni Batang aek Siloa, jana mar jop ni roha mida Raja Resin dohot anak ni si Remalya.

JESAYA 9:11

Madung dipatubu Tuhan tu roha ni musu laho mangalo halahi.

JEHESKIEL 27:16

Angka parboniaga sian Siria manobusi angka barang-barang boniagamu dohot angka suhamu na bahat i. Digarari halahi ma i dohot simata na sian batu zamrud, abit na rara bunga torung, abit na marsulam, linen na halus, simata na sian batu koral dohot batu na rara dalimo.

HOSEA 1:1

On ma tona na nilehen ni Tuhan tu si Hosea anak ni si Beeri taran marudut-udut Juda diparenta angka raja, si Usia, si Jotam, si Ahas, dohot si Hiskia, jana Israel diparenta si Jerobeam anak ni si Joas.

MIKA 1:1

Marasal sian sada kota na menek do si Mika i ma sian kota Moreset. Di na marudut-udut mamarenta di Juda Raja Jotam, Raja Ahas dohot Raja Hiskia, disi ma dilehen Tuhan tonaNia tu si Mika taringot tu Samaria dohot Jerusalem.