JESAYA 66:3 - BIBEL JAMITA NA DENGGAN

³ Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JESAYA 66:3 ပူးပေါင်းရင်းမြစ်များ

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

JESAYA 44:19

Nada jabat lalu dipikiri sibaen patung i, “Na marsomba tu sangkimpal hayu do au. Deba sian hayu i hututung jana arangna i hupake baen manutung roti dohot mamanggang juhut sipanganonku. Na deba nari i ma hubaen patung. Jadi saonnari na marsomba tu samponggol hayu do au!”

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JESAYA 57:17

Hara ni hasalaan na mangahut tu dirinia sandiri do umbaen na muruk Au, Hu ajar do ia, Hutabunihon bohingKu dohot murukKu, tapi marbalik do ia mamolus dalan na nipili ni rohana.

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JESAYA 65:2

Tongtong do Au hobas laho manjaluangi bangsongKi haru pe mardongan jogal ni rohana mambaen na jahat halahi jana manondong dalan lomo ni rohana sandiri.

JESAYA 66:17

Didok Tuhan, “Madung donok hatiha panguhumna di halak na paiaskon dirina dohot na mudur-udur tu kobun ni angka debata laho marsomba. Madung singkop uhumanKu di angka halak na giot mangan juhut babi, monci dohot sipanganon na asing i na mambaen magigi.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

HAMALIMON 2:2

dung i dioban ma tu malim pomparan ni si Harun. Buaton ni malim na markarejo hatiha i ma sanggolom sian topung i dohot miak zetun bope hamonyan i sude, lalu ditutung ia ma di ginjang ni langgatan na gabe songon tanda bahaso haul i na dung dihaulkon sude tu Tuhan. Uap ni haul situtungon i ma pajop roha ni Tuhan.

HAGAI 2:14

Dung i didok si Hagai ma mangulahi: Songon i muse tu bangso na di adopanKu, ninna Tuhan, sanga aha na nibaen ni tangan ni halahi dohot na nihaulkon ni halahi disi; na ramun do i.

PANGARATAION 14:8

Ulang pangan hamu babi. Angkon etongon do binatang i haram, angke haru marbola pe sisilonna hape nada manjampal. Nada tola panganon binatang i, salang bangkena pe nada tola jamaon.

PANGARATAION 23:18

Songon i hepeng na dapot sian dalan na songon i, nada tola obanon tu Bagas Ni Tuhan Debatamunu baen panggarar ni haul bagi aha, angke magigi do Tuhan tu angka panggampang di bagas pamelean ni angka debata na asing i.

HAKIM-HAKIM 10:14

Tu angka debata na nipilimunu i ma hamu antong kehe. Pio-pio ma hamu tu halahi! Padiar ma halahi na paluahon hamu di bagasan hasusaan i.”

HAKIM-HAKIM 21:25

Nada adong dope di hatiha i raja di Israel. Marguru tu giot ni rohana be do ganop halahi.

HAKIM-HAKIM 5:8

Di na marsomba Israel tu debata na asing, porang pe mapultak, nada adong na marsinjata sian na opat pulu ribu halak.