JESAYA 66:18 - BIBEL JAMITA NA DENGGAN

¹⁸ Huboto do pikiran dohot parbuatan ni halahi. Ro Au laho paluhutkon angka jolma sian sandok bangso. Muda marlagut halahi, idaon ni halahi ma kuasongKu

JESAYA 66:18 ပူးပေါင်းရင်းမြစ်များ

JOB 42:2

“Huboto do, na marhagogoan do Ho mambaen bagi aha pe, jana nada jungada sundat sangkapMu.

MASMUR 139:2

Diboto Ho do sude pambaenanku; sian na dao diboto Ho do pikiranku.

MASMUR 67:2

anso nian ditanda dalanMu di sude tano on, jana kuasoMu na paluahon i diboto sude bangso.

MASMUR 72:11

Marsomba ma sude raja di adopannia, jana sude bangso ma mangoloi ia.

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

MASMUR 82:8

Ro ma Ho ale Debata, uhumi ma portibi on, angke Ho do nampuna sandok bangso.

MASMUR 86:9

Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

MASMUR 94:11

Didodo Tuhan do pikiran ni jolma, diboto Ia do sangkap ni halahi na so marguna.

MASMUR 97:6

Dipajojor langit hatigoranNia, sandok bangso marnida hamuliaanNia.

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

JESAYA 37:28

Tapi Huboto do sude taringot tu ho sandiri. Huboto do sanga aha na nibaenmu jana sanga na tu dia ho kehe. Huboto do na marsitutu murukmu tu Au.

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JESAYA 55:8

Didok Tuhan, “Anggo pikiranKu, nada songon pikiranmunu, jana dalanKu, nada songon dalanmunu.

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

JESAYA 57:12

DohononKu ma sude haburjuonmu dohot sude pambaenanmu, tapi sude na i nada marguna di hamu.

JESAYA 59:7

Sai matua na mambaen sangkap na jahat do hamu jana mopop laho mandalankonsa. Nada jungada sak rohamunu mamunu halak na so marsala. Sanga na tu dia hamu kehe, matua na manderetkon hasesego ma hamu dohot hamamago.

JESAYA 65:2

Tongtong do Au hobas laho manjaluangi bangsongKi haru pe mardongan jogal ni rohana mambaen na jahat halahi jana manondong dalan lomo ni rohana sandiri.

JESAYA 66:10

Ale hamu na manghaholongi Jerusalem, beta ma marjop ni roha, marmoga-moga ma hara ni i! Hamu na marsak hara ni ia, saonnari tola ma marjop ni roha.

JEREMIA 16:17

Huida do sude na nibaen ni halahi. Nada adong na buni di Au; angka dosa ni halahi pe Huida do.

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEHESKIEL 38:10

Didok Tuhan Debata i ma tu si Gog, “Baenonmu ma di hatiha i sangkap na jahat.

JEHESKIEL 39:21

Didok Tuhan ma, “PataridahononKu ma hamuliaanKu tu angka bangso. Idaon ni halahi sude ma sanga songon dia pamakengKu di kuasongKu laho mandalankon angka haputusan na tigor.

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

ZAKARIA 14:16

Dung i sandok jolma na laing mangolu dope sian tonga-tonga ni angka bangso na mamorangi Jerusalem i, markehean noma tu kota i laho marsomba tu Raja, Tuhan Na Markuaso i dohot laho manghagodangkon Pesta Undung-undung Bulung Rata.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MATEUS 12:25

Diboto Jesus do pikiran ni halak Parise i. Gabe didokkon Ia ma tu halahi, “Sanga na harajaan dia pe, nada tarbaen lolot jongjong, muda sai marsalisi do halahi sama halahi. Muda adong sada kota sanga bagas na marsalisi sanga marbadai na sada tu na sada nari gabe masarsar do i.

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

LUKAS 5:22

Diboto Jesus do na di bagasan roha ni halahi. Gabe ning Ia ma, “Aha dehe dipikiri hamu di bagasan rohamunu?

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

JOHANNES 5:42

Hutanda do hamu. Huboto do na so dihaholongi hamu Debata di bagasan rohamunu.

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

1 KORINTUS 3:20

Adong muse do tarsurat songon on, “Diboto Debata do angka tahi ni na bisuk, tutu situtu do na so marguna sudena i.”

PANGARATAION 31:21

jana bahat ma parmaraan na jorbut ampe tu halahi. Tapi anggo ende on tongtong ma diendehon jana dipake gabe hasaksian maradopkon halahi, harana laing tong-tong do i endehonon ni pomparan ni halahi. Salang saonnari pe, painte so Huoban halahi tu tano na Hujanjihon i, Huboto do pardangolan ni pikiran ni halahi.”

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.

HALUMBAAN 2:2

Huboto do sanga aha na nibaenmunu: Madung disitutui hamu karejo jana sobar sajo do hamu. Huboto do na so dilehen hamu rohamunu tu angka halak parjahat. Jana madung diuji hamu angka halak na mangoku dirina rasul, hape na so tutu do, gabe tardapot do halahi pargabus dibaen hamu.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!