JESAYA 66:16 - BIBEL JAMITA NA DENGGAN

¹⁶ Sanga ise halak di portibi on na tardapot marsala, uhumanNia ma i marhite api dohot podang, jana bahat do na giot mate hona uhum.

JESAYA 66:16 ပူးပေါင်းရင်းမြစ်များ

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 3:13

Madung rade Tuhan laho mangaduhon jana mangadili angka bangso.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JESAYA 31:8

Abis di parporangan noma Asur, tapi nada marhite gogo ni jolma. Maporus ma halak Asur i sian porang, jana angka na poso bulung ni halahi baenon noma gabe hatoban.

JESAYA 34:2

Muruk do Tuhan tu sandok bangso dohot tu sude parangan ni halahi. Didabu Ia ma uhuman tu halahi jana pusaonNa ma halahi.

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JEREMIA 25:31

Lalu tu ujung ni tano on marsaringar soraNia; dibaen Tuhan parkaro maradopkon angka bangso. Adilan noma sandok jolma jana halak na jahat niuhum mate noma.’ ”

JEREMIA 25:33

Anggo di ari i marpayahan ma angka bangke ni jolma na nimatehon ni Tuhan di sude sisik ni tano on. Nada nitangisan halahi, nada dioban muse laho mananomsa, tapi dipadiar do i di tano i sajo songon parpunguan ni rompak.

JEREMIA 45:5

Biasi dijalahi ho hagodangon ni dirimu? Ulang jalahi i. Angke satutuna paroonKu ma parhancitan tu sude na mangolu, songon i ma didok Tuhan. Tapi anggo tu ho lehenonKu do ngolu songon gonti ni sude inganan na giot bolusonmu.”

JEREMIA 46:15

Biasi maporus Apis, debatamunu na gogo i? Nada he tolap lombu jantanmunu i dope martahan? Tutu do, madung ditaluhon Tuhan ia!’

JEHESKIEL 28:18

Didok Tuhan, “Ale Tirus, dipahodar ho do angka inganan paribadatanmu hara ni angka hasalaan dohot pangicuonmu di na mandalankon boniagamu. Hututung ho patunda ni i lopus hornop dohot tano. Sude halak na marnida ho hum abu noma idaonna.

JEHESKIEL 38:17

Nada he Hudok hian do najolo taringot tu ho marhite angka naposongKu na giot suruonKu di hatiha na giot ro sada halak laho mamorangi Israel. Au Tuhan Debata madung mandok songon i.”

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

AMOS 7:4

Huida muse ma sada nari parnidaan sian Tuhan Debata i. Huida ma Ia hatiha markobas laho manguhumi bangsoNia i dohot api. Abis ma laut na di toru ni tano didilat api i jana mamungka ma angka luat dipangan api.

NAHUM 3:15

Sanga aha pe na nibaenmu, nada adong guna ni i, angke laing na mate mosok noma ho sanga mate di bagasan porang. Sude ma ho songon suan-suanan di ladang na dingatngat ni siapor. Madung sopar ho songon siapor!

NAHUM 3:3

Ro ma parangan na markudo manyaroso, marjilam-jilam angka podangna jana marlinang-linang. Nada taretong bahat ni jolma na mate, marsidondonan angka bangke, mambaen jolma tartuktuk be.

ZAKARIA 14:5

Marlojongi ma hamu mamolus sian lombang na mambagi dolok i gabe marbola dua. Marlojongi ma hamu songon angka ompu na umpompar hamu di hamamasa ni lalo taran mamarenta si Usia raja ni Juda. Jadi ro ma antong Tuhan Debatangku, diudurkon Surusuruan sudena.