JESAYA 66:1 - BIBEL JAMITA NA DENGGAN

¹ Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

JESAYA 66:1 ပူးပေါင်းရင်းမြစ်များ

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

1 JUJUR TAON 28:2

Jongjong ma si Daud di jolo ni halahi mandok hata, ning ia ma, “Hamu angka dongan sabangsongku, marsitangi-tangian ma hita jolo! Madung honok di bagasan rohangku laho pajongjong sada bagas batu inganan ni Poti Parjanjian i, sidegean ni pat ni Tuhan Debatanta. Madung hupasingkop na hasaya laho pajongjong sada bagas inganan parsombaan tuSia.

2 JUJUR TAON 2:5

Angkon luar biasa do Bagas Ni Tuhan na giot bangunonki, dibaen gumodang do antong Debatanami i sian sasude sombaon sanga dia pe.

2 JUJUR TAON 6:18

“Tapi ale Debata, tutu dehe tarbaen Ho maringanan di tano on di tonga-tonga ni jolma? Salang sude pe langit i nada tuk bidangna di Ho, mur ma bagas paribadatan na hupajongjong on?

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 132:7

Beta ma hita kehe tu inganan parmianan ni Tuhan, jana tasomba Ia di adopan ni habangsaNia.

MASMUR 99:9

Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 60:13

Hasangapon ni Libanon, i ma: Hayu ampolu, barangan dohot sampinur, hayu hasurungan ni tombak Libanon na jeges i, dioban ma i tu ho, kota na badia laho mangulahi mambangunsa, jana mambaen BagasKu jumagar boti mambaen inganan ni patKu marmulia.

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MATEUS 12:6

Tapi Hudok ma tu hamu, ‘Dison adong do sada na gumodang sian Bagas Ni Debata i.’

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”

BAENON NI ANGKA RASUL 17:24

Debata na manjadihon tano on dohot sude isina, i ma Tuhan di langit dohot di tano on. Nada ra Ia maringanan di angka bagas ni debata na nipature ni tangan ni jolma.