JESAYA 65:3 - BIBEL JAMITA NA DENGGAN

³ Sai torus do halahi mambaen muruk Au. Hara ni na mamelehon haul di kobun tu angka debata jana manutungi hamonyan di angka langgatan na disi.

JESAYA 65:3 ပူးပေါင်းရင်းမြစ်များ

2 RAJA-RAJA 22:17

Ditadingkon halahi do Au jana kehe halahi marsomba tu angka debata na asing. Pasunggul-sunggul murukKu do sude pambaenan ni halahi i. Muruk do Au tu Jerusalem jana nada ra mombun murukKi.

JOB 1:11

Tapi sugari rupani dibuat Ho sandok sinadongannia i, musti diburai ia Ho di joloMu!”

JOB 2:5

Sugari ma huparkanciti pamatangna i, musti buraannia Ho di joloMu!”

MASMUR 78:40

Jotjotna i antong halahi mangalo tuSia, pahancit rohaNia di padang halongonan.

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

JESAYA 1:29

Manyosal noma hamu hara ni na dung jungada hamu marsomba parhayu dohot na paradehon angka kobun gabe hapunjungan ni angka debata.

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JESAYA 66:17

Didok Tuhan, “Madung donok hatiha panguhumna di halak na paiaskon dirina dohot na mudur-udur tu kobun ni angka debata laho marsomba. Madung singkop uhumanKu di angka halak na giot mangan juhut babi, monci dohot sipanganon na asing i na mambaen magigi.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

HAMALIMON 17:5

Na nipangido ni parenta on, i ma mamungka saonnari anso sude halak Israel angkon maroban tu Bandar Parmianan Ni Tuhan, i ma angka pahan-pahanan na dung somal disambol di ladang. Saonnari angkon obanon ni halahi noma i jana pasahatonna tu malim di pintu ni Bandar Na Badia jana disi ma disambol na gabe haul haluaan.

PANGARATAION 32:21

Patung na nipele ni halahi do mambaen muruk Au, tu na nigoaran ni halahi debata mangiburu Au, debata na so tutu Debata. BaenonKu ma sada bangso anso mangiburu halahi muruk tu bangso ni angka jolma na bodo i satutuna nian bangso na so adong do i.