JESAYA 64:9 - BIBEL JAMITA NA DENGGAN

⁹ Jadi ulang ma marpiar-piar murukMu, ulang sai paingot-ingot be dosanami. Laing timbangi ma jolo di rohaMu, ale Tuhan, hami on laing bangsoMu.

JESAYA 64:9 ပူးပေါင်းရင်းမြစ်များ

MASMUR 79:13

Dung i, sude hami bangsoMu, biri-biri na niparmahanMu, mandok tarimakasima salolot-lolotna, jana baritahononnami ma puji-pujian di goarMu, marsundut-sundut.

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.

2 PETRUS 2:17

Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

ANDUNG 5:20

Malolottu do antong ditadingkon Ho hami! LupahononMu sapanjangna noma ulaning hami?

JEREMIA 10:24

Ajar ma hami ale Tuhan, dohot na sapatutna. Ulang ma dohot hamumurukMu, anso ulang gabe mago hami.

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JESAYA 63:19

Songon dia ma na so bangsoMu be hami songon na so mamarenta be Ho tu hami.

JESAYA 60:10

“Bangunon ni halak sileban ma tembokmu mangulahi, jana angka raja noma mangoloi ho disi. Najolo Huuhumi ho hara ni murukKu, tapi saonnari tumbuk do ho siiboan ni rohangKu.

JESAYA 57:17

Hara ni hasalaan na mangahut tu dirinia sandiri do umbaen na muruk Au, Hu ajar do ia, Hutabunihon bohingKu dohot murukKu, tapi marbalik do ia mamolus dalan na nipili ni rohana.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

MASMUR 119:94

Palua ma au, dibaen Ho do nampuna au, madung husitutui mangoloi haputusanMu.

MASMUR 38:1

Tuhan, ulang uhumi au di bagasan parpiar ni murukMu, ulang parhanciti au di milas ni rohaMu.

MASMUR 6:1

Tuhan, ulang muruk Ho jana ulang tulakkon au, ulang uhumi au di bagasan muruk ni rohaMu.

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

JEREMIA 44:21

“Adong he diambang hamu na so diboto Tuhan sanga na dung dihalupahon Ia angka haul na di pelehon di angka kota ni Juda dohot di angka dalan na di Jerusalem, na nibaen ni ompumunu, angka raja-raja dohot angka pamimpinmunu maradu rayat ni luat on dohot hamu sandiri?

ANDUNG 5:22

Adong he na dung diambungkon Ho do hami songon i? Na so marbolat dehe murukMu tu hami?

JEHESKIEL 29:16

Nada be mangido pangurupion Israel tu hamu. Taringot ma Israel paida-ida bagianmu, ale bangso Mesir, sanga songon dia liluna mangasahon Mesir, songon na dung unjung dibaensa. Jadi gabe botoon ni Israel ma, Au do Tuhan Debata.”

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

2 RAJA-RAJA 25:9

Disurbu si Nebusaradan ma Bagas Ni Debata, bagas godang ni raja i dohot bagas ni sude halak na sumangap-sangap di Jerusalem.

JESAYA 63:18

Biasi dipadiar Ho musu mandege-dege BagasMu, angka alonami mandege-dege inganan na niparbadiaanMu?

ANDUNG 2:7

Ditulak Tuhan do langgatanNa na badia i. Nada ra be Ia mangakui bagasNia sandiri; dipadiar Ia musu i mangaroncohon angka tembokna i. Di ingananta na salpu i maribadat marjop ni roha, marsurak musu songon na marpesta.

ANDUNG 5:18

Madung sego jana lungun Dolok Sion; sorigala disi mardalan-dalan.