JESAYA 61:9 - BIBEL JAMITA NA DENGGAN

⁹ Tarbarita angka pomparan ni halahi sun tu dia, tarbonggal di tonga-tonga ni sandok bangso. Jadi sude ma halak marhatutuhon, na Hupasupasu do bangso on.”

JESAYA 61:9 ပူးပေါင်းရင်းမြစ်များ

PAMUNGKAAN 22:18

Pangidoan ni sude bangso na di tano on ma tu Au anso Hupasupasu halahi – hara ni na nioloanmu parentangKu.”

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

MASMUR 115:14

Sai dilehen Tuhan ma di hamu dohot anak sisuan bulu, sai mur martamba-tamba ma nian pomparanmunu.

JESAYA 43:5

Ulang ho mabiar sanga enek rohamu, angke Au do pangondianmu. Sian Hasundutan dohot sian Habincaran, Husuru marlagut angka pomparanmu.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

JESAYA 65:23

Manjadi do sude na nikarejohon ni halahi, jana angka dakdanak ni halahi pe nada hona mara. PasupasuonKu ma halahi dohot pomparan ni halahi ro di salolot-lolotna.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

JEREMIA 31:7

Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

ZAKARIA 8:13

Jana na jolo madung manjadi bura hamu di tonga-tonga ni angka bangso, o hamu halak Juda dohot halak Israel. Jadi saonnari giot paluaonKu noma hamu, anso gabe pasupasu hamu. Ulang hamu mabiar, patogu ma rohamunu!”

MALEAKI 3:12

Jadi dokkonon ni sandok bangso ma hamu na martua, angke gabe tano siinganan na denggan do tanomunu.”

BILANGAN 22:12

Didok Debata ma tu si Bileam, “Ulang kehe ho dohot halahi, dung i ulang burai halak Israel, angke madung Hupasupasu halahi.”

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”