JESAYA 61:8 - BIBEL JAMITA NA DENGGAN

⁸ Angke Tuhan do Au, “Huhaholongi do hatigoran jana magigi do Au mida na kejam dohot hajahatan. TumbasonKu bangso on marhite hadengganan, Hupudun janji na hot dohot halahi.

JESAYA 61:8 ပူးပေါင်းရင်းမြစ်များ

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

2 SAMUEL 23:5

Laing songon i ma pomparanku pasupasuon ni Debata, janjiNia tu au nada muba, hot tongtong jana sanggam janjiNia taratur do i di sasudena. Debata do na mangalehen au monang jana na mambaen dijagit sude pangidoan.

MASMUR 105:10

Dirasmihon do parjanjian i tu si Jakob, gabe hatontuan di Israel sapanjangna.

MASMUR 11:7

Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

MASMUR 33:5

Dihaholongi Ia do hasintongan dohot hatigoran, gok holong ni rohaNia na manongtong i do sude portibi.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

MASMUR 50:5

Diparentahon Ia do tu halahi laho palagutkon bangsoNia di joloNia; bangso na dung mangikat janji dohot Ia, jana na manghaulkon haul situtungon tuSia.

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

PODA 3:6

Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

PODA 8:20

Dalan hajujuron do na huihutkon, di dalan hatigoran do na hulangkahon.

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JESAYA 54:10

Muncat pe angka dolok jana humutur dohot tor, tapi holong ni rohangKu nada muncat sian ho, jana janji hadameonKu nada morot sian ho,” ninna Tuhan, na manghaholongi ho.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JESAYA 56:1

Didok Tuhan ma tu bangsoNia i, “Patulus hamu ma sanga aha na tigor jana na tumbuk tu hagiotKu, angke ro ne ma Au paluahon hamu.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”

JEHESKIEL 16:60

Tapi ingotonKu do parjanjian na dung Hubaen dohot ho taran di haposoonmu dohot na mambaen parjanjian na hot dohot ho salolot-lolotna.

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.

MALEAKI 1:13

Jana didok hamu do, “Ligi ma, maol na i!” Jana susa do Au dibaen hamu, ninna Tuhan Na Markuaso i, jana dihaulkon hamu do na ditangko, na onyangon, sanga na marnyae baen sihaulkonon tu Au. Sai jop ma he rohangKu manjagit i sian tanganmu? ninna Tuhan.

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

2 TESSALONIKA 3:5

Sai dituturi Tuhan ma rohamunu tu holong roha ni Debata dohot tu hasobaron na nilehen ni Kristus.