JESAYA 61:3 - BIBEL JAMITA NA DENGGAN

³ Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JESAYA 61:3 ပူးပေါင်းရင်းမြစ်များ

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

MASMUR 149:4

Jop do roha ni Tuhan di bangsoNia, halak na toruk marroha dilehen Ia hamonangan.

MASMUR 23:5

Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

MASMUR 30:12

Jana nada ra be au manghasipkon; endehononku noma Ho dipamujion. O Tuhan, Ho do da Debatangku, sai mandok tarimakasi tu Ho do au salolotna.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

PARJAMITA 9:8

Padiar ma jeges bohimu jana tata.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 26:2

Bukahon bo horbangan ni kotanta, suru ma masuk bangso na setia, bangso na tongtong tigor.

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JEHESKIEL 34:29

PanapuonKu angka ladang ni halahi anso ulang masa be haleon di luat i. Nada marlayas be halahi baenon ni angka bangso na asing.

JEHESKIEL 47:7

jana huida ma hape na bahat sajo do hayu di topi ni batang aek i angkup bariba.

ZAKARIA 3:5

Diparentahon Surusuruan i ma tu angka donganna pangurupina i laho mamasang saroben na ias tu ulu ni si Josua. Dioloi halahi ma i jana dung salpu i dipapakehon halahi ma pakean na imbaru i tusia dipamanat-manat Surusuruan Ni Tuhan i.

MATEUS 15:13

Dialusi Jesus ma, “Sude suan-suanan na so nisuan ni Damang na di banua ginjang i, angkon niumpat dohot urat-uratna.

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

JOHANNES 15:8

Muda ramos hamu marbatu, gabe hasangapan ni Ama i do i; songon i ma dalanna baenonmunu patuduhon na tutu situtu hamu siihutkon Au.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

1 KORINTUS 6:20

Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

PILIPPI 1:11

Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

2 TESSALONIKA 1:10

Muda dung ro Ia di ari i giot pasangapon di tonga-tonga ni halak nabadiaNia, jana gabe hahomangan ma Ia di sude halak na porsaya, harana madung di haporsayai hamu hasaksian na hami boan i.

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.