JESAYA 61:2 - BIBEL JAMITA NA DENGGAN

² Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JESAYA 61:2 ပူးပေါင်းရင်းမြစ်များ

JESAYA 1:24

Hara ni i songon on ma didok Tuhan, Tuhan Na Markuaso na mangondihon Israel, “BaloshononKu ma hosom ni rohangKu tu angka alongKu, jana baenonKu ma pamaloson tu angka musungKu.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 34:2

Muruk do Tuhan tu sandok bangso dohot tu sude parangan ni halahi. Didabu Ia ma uhuman tu halahi jana pusaonNa ma halahi.

JESAYA 34:8

Disi ma hatihana paluaon ni Tuhan ma Sion jana palalu hosom ma Ia tu angka musuNia.

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

JESAYA 40:1

“Apoi, apoi hamu ma bangsongKi,” ninna Debatamunu, “Apoi, apoi hamu ma halahi!

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 57:18

Madung Huida pangalaho ni halahi, tapi laing pamalumonKu jana toguonKu do ia jana paulahonKu markite pangapoion; dohot bibir ni halak na marsak roha.

JESAYA 58:5

Muda marpuaso hamu, diparkanciti hamu dirimunu; dipaunduk hamu ulumunu maradu puhung songon bulung ni duhut. Dipahembang hamu abit goni dohot abuan anso modom hamu di ginjangna i. Songon i ma didok hamu lakna na puaso? Diambang hamu jop ma lakna roha ni Tuhan mida pangalaho na songon i?

JESAYA 60:10

“Bangunon ni halak sileban ma tembokmu mangulahi, jana angka raja noma mangoloi ho disi. Najolo Huuhumi ho hara ni murukKu, tapi saonnari tumbuk do ho siiboan ni rohangKu.

JESAYA 66:14

Muda diida hamu na songon i tarjadi, marjop ni roha ma hamu; jana gabe margogo boti matorkis hara ni i. Jadi gabe botoonmunu ma, Au Tuhan, mangurupi sanga ise na burju mangoloi Au jana palaluonKu ma rimas ni rohangKu tu angka musungKu.”

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JEREMIA 46:10

On ma ari ni Tuhan Debata Na Markuaso i; anggo di ari on mambaen pamaloson ma Tuhan Debata Na Markuaso i tu sude angka musuNia. Panganon ni podangNia ma halahi lopus butong, jana inumonna mudar ni halahi lopus sombu. Di ari on disambol ma angka haul di Utara di topi ni Batang aek Efrat i.

MIKA 3:8

Tapi anggo taringot tu diringku, na dung digohi Tuhan do au dohot tondiNa bope dohot kuasoNia. Dilehen Ia do di au parbinotoan taringot tu hatigoran, jana dilehen Ia do di au habaranion laho patangkaskon tu halak Israel angka dosa na nibaen ni halahi.

MATEUS 5:4

Martua ma halak na marsak roha; angke na giot apoan do roha ni halahi.

LUKAS 4:19

dohot paboahon taon na denggan na sian Tuhan.”

LUKAS 6:21

Martua ma hamu na male saonnari, harana pabutongon ma hamu muse! Martua ma hamu angka na tangis saonnari, harana gabe martata ma hamu muse!

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!