JESAYA 61:11 - BIBEL JAMITA NA DENGGAN

¹¹ Songon same na nisabur tubu ma i jana gabe suan-suanan, songon i ma Tuhan Debata paluahon bangsoNia jana sandok bangso ma giot mamuji Ia.”

JESAYA 61:11 ပူးပေါင်းရင်းမြစ်များ

PAMUNGKAAN 1:11

Dung i mangkuling ma Debata, “Dipartubuhon tano ma sude ragam ni suan-suanan, i ma na marboni dohot na marbatu” – gabe tarjadi ma songon i.

MASMUR 72:16

Sai lobian gandum ma nian sude luat on, jana angka dolokna i gok marisi suha ni tano. Sai napu ma nian tanona i songon Dolok Libanon, jana na mangingani kotana songon bahat ni ruput di padang.

MASMUR 72:3

Sai sonang jana maduma ma nian luatnami, jana dumpang hatigoran di sude bangso.

MASMUR 85:11

Tubu ma sian tano habonaran ni jolma, mandulo ma sian langit hatigoran i.

ENDE NA GODANG 4:16

Ngot ma ho, ale alogo Selatan dohot ho alogo sian Utara, mangombus ma di kobunku anso manguap huskusna i. Piohon ma haholonganki tu kobunnia i, laho mandai tabo ni angka parbatu ni hayu na nipili.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

JESAYA 45:23

Hara ni Au sandiri madung marsumpa Au, sian pamanganKu madung ruar hatigoran, i ma hata no so mose. Sude jolma marsinggang ma di jolongKu, jana marjanji burju mangoloi Au.

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JESAYA 45:8

Hupaijur hamonangan songon udan, marbuka tano on laho manjagit haluaan. Maringanan ma haluaan dohot hatigoran, Au Tuhan, Au do mambaen on mardalan.”

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

JESAYA 48:18

Sugari na burju ho mangoloi aturanKu so pola lalap, gabe mardalan ma pasupasu tu ho songon batang aek na so unjung mahiang. Hamonangan marroan ma tu ho songon ombak ni laut na so unjung maradian.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 62:1

Hara ni Sion au giot mandok hata, hara ni Jerusalem giot torus au marusaho lopus torang marsinondang hamonangannia, jana haluaannia songon obor di borngin ni ari.

JESAYA 62:2

Diida angka bangso do hamonanganmu, ditatap angka raja hagodanganmu. Pioon ma ho marhite goar na imbaru, Tuhan i sandiri do na pasahat goarmu.

JESAYA 62:7

Angkon torus do halahi mangido ulang padiar Ia maradian sampe dibangun Ia Jerusalem, jana anso gabe kota na godang di sandok portibi.

MATEUS 13:23

Dung i anggo same na disabur tu tano na napu i, i ma tarsongon halak na umbege jamita i, tangkas diastui ia. Ramos ma parbatuna. Adong ma i na saratus lompit bahatna. Adong na onom pulu lompit bahatna. Adong na tolu pulu lompit bahatna sian same na parjolo i.”

MATEUS 13:3

Diajarkon Jesus ma tu halahi marragam-ragam pangalaho. Mardongan umpama do dibaen Ia na mangajari i. “Adong ma sada halak partani, na kehe giot manyabur same.” Songon i ma dipungka Jesus caritoNia i.

MATEUS 13:8

Tapi adong muse do antong same i na madabu tu tano na napu. Marbatu ma anggo i. Adong na saratus lompit parbatuna. Adong na onom pulu lompit, adong na tolu pulu lompit.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.