JESAYA 61:1 - BIBEL JAMITA NA DENGGAN

¹ Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JESAYA 61:1 ပူးပေါင်းရင်းမြစ်များ

MASMUR 102:20

giot manangihon holos ni halak tahanan dohot paluahon jolma na niuhum tu hamatean.

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 149:4

Jop do roha ni Tuhan di bangsoNia, halak na toruk marroha dilehen Ia hamonangan.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

MASMUR 25:9

Diajari Tuhan do halak na toruk marroha, anso diihutkon halahi hagiotNia.

MASMUR 34:18

Donok do Tuhan tu halak na mandele, dipalua Ia do halak na manderse rohana.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

MASMUR 51:17

Anggo haul na tabo di Ho, ale Debata, i ma roha na magopu, roha na unduk jana na muba nada ditulak Ho.

MASMUR 68:7

Di na nitoguMu bangsoMu, ale Debata, mardalan mamolus padang na hiang,

MASMUR 69:32

Marjop ni roha ma na dangol, marnidasa margodang ni roha ma halak na manyomba Debata.

HARURUAR 28:41

Papakehon ma pakean i tu angkangmu si Harun dohot tu angka dakdanaknia i. Miahi ma halahi dohot miak zetun; jadi sah ma halahi gabe malim jana dipasahat laho mangoloi Au.

HARURUAR 29:7

Jadi buat muse miak na badia, duruskon ma i di ginjang ni ulunia jana miahi ma ia.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

JESAYA 30:19

Ale hamu na maringanan di Jerusalem, nada sai mangandungi be hamu. Ibo roha ni Tuhan jana alusanNia ma hamu muda pio-pio hamu tuSia mangido tolong.

JESAYA 30:26

Marsinondang ma bulan i songon torang ni mataniari, jana mataniari i tumorang pitu noli sian na somal, songon torang ni pitu ari dipasada. Tarjadi ma sudena i di na ro Tuhan mambalut dohot pamalumkon angka bugang ni bangsoNia na nisambokNia i.

JESAYA 32:7

Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

JESAYA 40:9

O Jerusalem, tangkohi ma dolok na gincat, jana baritahon ma jamita na denggan on. O Sion baritahon ma marsora na gogo, marsurak ma, jana ulang marganggu roha. Dokkon ma tu angka kota ni Juda. Giot ro ma Debata ni halahi.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JESAYA 42:7

laho mambuka mata na mapitung; laho paruarkon na hona uhum sian bagas hurungan, angka halak na juguk di bagasan hagolapan sian hurungan.

JESAYA 48:16

Ro ma ho padonok ma tu Au jana tangihon ma, sian najolo do marsitangkas Au mandok hata; jana dompak tarjadi sudena i, disi do Au.” Saonnari au diutus Tuhan Debata jana dohot TondiNa au dipasingkop.

JESAYA 49:9

Halak na tarkurung Hulehen haluaan, na di hagolapan obanonKu tu na torang. Salang di dolok na limus pe nada halahi marhahurangan, sapanjang dalan rade do sipanganon.

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

JESAYA 52:9

Ale sego-sego ni Jerusalem, marsurak ma marjop ni roha! Angke dipalua Tuhan bangsoNia jana diapoi Ia.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 57:18

Madung Huida pangalaho ni halahi, tapi laing pamalumonKu jana toguonKu do ia jana paulahonKu markite pangapoion; dohot bibir ni halak na marsak roha.

JESAYA 59:21

BaenonKu ma parjanjian dohot hamu: LehenonKu kuaso dohot pangajaranKu tu hamu. Ingot jana patulus hamu ma angka pangajaranKi jana ajarkon hamu ma i tu angka dakdanakmunu dohot tu pomparanmunu, anso laing dohot halahi marningot dohot patuluskonsa.”

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JEREMIA 34:8

Mambaen parjanjian ma Raja Zedekia dohot halak na maringanan di Jerusalem laho paluahon

JEREMIA 52:33

Nada be mamake pakean sitarapan ia, jana somalna mangan di bagas godang do ia jana dilehen do hepeng disia baen haporluan ni ngolunia.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

HAMALIMON 7:35

I ma bagian sian haul sipanganon na nilehen ni Tuhan tu si Harun dohot tu angka anakna, di hatiha na diojakkon i halahi gabe malim.

MIKA 3:8

Tapi anggo taringot tu diringku, na dung digohi Tuhan do au dohot tondiNa bope dohot kuasoNia. Dilehen Ia do di au parbinotoan taringot tu hatigoran, jana dilehen Ia do di au habaranion laho patangkaskon tu halak Israel angka dosa na nibaen ni halahi.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 3:16

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

LUKAS 7:22

Jadi dialusi Jesus ma suruan ni si Johannes i, ning Ia ma, “Kehe ma hamu, paboa hamu ma tu si Johannes sanga aha na niida dohot na nibegemunu: Marnida do angka na mapitung, mardalan na pangpangon, malum na huliton, marbinege na maingol, na dung mate mulak dipangolu jana Jamita Na Denggan dibaritahon tu angka na pogos.

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

2 KORINTUS 3:17

Harana Tuhan i do Tondi i. Jadi barang di dia pe Tondi Ni Tuhan i, disi do adong haluaan.

2 KORINTUS 7:6

Tapi tuani ma, sai dipagodang Debata do roha ni halak na menek roha; dipatogar Ia do rohanami markite-hite haroro ni si Titus.

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”