JESAYA 60:4 - BIBEL JAMITA NA DENGGAN

⁴ Ligi ma humaliang ho sanga aha na tarjadi, marlagut rayat laho mulak mangulahi. Sian na dao marroan angka anakmu, niompaan dohot angka borumu.

JESAYA 60:4 ပူးပေါင်းရင်းမြစ်များ

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 14:2

Bahat bangso na giot mangurupi bangso Israel anso mulak halahi tu tano na nilehen ni Tuhan tu halahi, jana gabe hatoban ma angka bangso i disi tu Israel. Tabanon ni Israel ma angka halak na dung jungada manaban halahi jana parentaonna ma na unjung mamisat halahi.

JESAYA 42:6

“Au ma da Tuhan, na mamiohon ho, markite-hite hasintongan, na maniop tanganmu; madung Hubaen jana Hulehen ho gabe janji tu sude jolma gabe sinondang tu angka bangso;

JESAYA 43:6

Huparentahon tu Selatan dohot tu Utara, anso dipaloas jana ulang halahi niambatan. Anso mulak sian angka luat na dao dakdanakKi, padiar marmulahan halahi sian ujung ni portibi.

JESAYA 49:12

Ligi ma, bahat halak na ro sian na dao, adong sian Utara dohot sian Hasundutan, jana adong sian tano Sinim.”

JESAYA 49:17

Halak na mamorangi ho lopus maropuk, marlojongi ma i humalaput. Halak na giot mambangun ho mangulahi, manigor ro ma i, nada dipalambat be i.

JESAYA 49:18

Ligi ma humaliang ho, uji ma manatap, marlagut do bangsomi manghuliangi ho. Hara ni Au, Debata Na Mangolu, Au mandok, satutuna do, pakeonmu ma sude halahi gabe parhiasan jana lilitkononmu ma halahi, songon na nibaen ni dadaboru na baru marbagas.

JESAYA 66:20

Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

AMOS 9:14

ObanonKu ma mangulahi bangsongKi tu tano ni halahi. Bangunon ni halahi mangulahi angka kota ni halahi na marsegoan lalu buang disi. Suanan ni halahi ma anggur baen inumon ni halahi dohot angka suan-suanan baen panganon ni halahi.

MIKA 7:12

Marmulahan ma tu ho angka halakmu sian ingananna be – sian Asur na di Habincaran, sian Mesir na di Selatan, sian luat na di Batang aek Efrat, sian ipar ni laut dohot sian angka dolok na dao-dao.

HAGAI 2:7

HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i.

MATEUS 8:11

Tapi ingot hamu ma na Hudok on! Bahat do halak na giot ro sian Habincaran dohot sian Hasundutan anso rap marpesta marjop ni roha dohot si Abraham, si Ishak dohot si Jakob di bagasan Harajaan Ni Banua Ginjang.

JOHANNES 4:35

Didok hamu, ‘Opat bulan nari sabion ma.’ Tapi anggo Au mandok di hamu: tangkas ma ligi hamu tu angka ladang i. Nada he madung tarsabi i?

BAENON NI ANGKA RASUL 13:44

Di Ari Sabat na mangihut i, bolas dohonon, sude halak na di kota i marroan laho umbege hata ni Tuhan.