JESAYA 60:3 - BIBEL JAMITA NA DENGGAN

³ Marroan ma angka bangso tu hatiuranmu, tartarik ma angka raja hara ni habibincarmu na imbaru.

JESAYA 60:3 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

MASMUR 102:16

muda bangunon ni Tuhan ma Sion mangulaki, jana muda ro Ia di bagasan hatongamonNia.

MASMUR 102:22

di na marlagut angka bangso dohot angka harajaan laho marsomba tu jolo ni Tuhan.

MASMUR 138:4

Pujion ni sude raja na satano on do Ho, ale Tuhan, angke madung habegean janjiMu tu halahi.

MASMUR 2:10

Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 68:29

Sai marsioban silua somba-somba ma angka raja baen di BagasMu di Jerusalem kota na badia.

MASMUR 72:11

Marsomba ma sude raja di adopannia, jana sude bangso ma mangoloi ia.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 42:6

“Au ma da Tuhan, na mamiohon ho, markite-hite hasintongan, na maniop tanganmu; madung Hubaen jana Hulehen ho gabe janji tu sude jolma gabe sinondang tu angka bangso;

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JESAYA 49:12

Ligi ma, bahat halak na ro sian na dao, adong sian Utara dohot sian Hasundutan, jana adong sian tano Sinim.”

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

JESAYA 60:10

“Bangunon ni halak sileban ma tembokmu mangulahi, jana angka raja noma mangoloi ho disi. Najolo Huuhumi ho hara ni murukKu, tapi saonnari tumbuk do ho siiboan ni rohangKu.

JESAYA 60:16

Pature-tureon ni angka raja dohot bangso i ma ho, songon ina na marmudu-mudu anakna. Jadi botoonmu ma, Au do tutu Tuhan, na palua hamu, jana Debata ni Israel na gogo i, paluahon hamu.

JESAYA 62:2

Diida angka bangso do hamonanganmu, ditatap angka raja hagodanganmu. Pioon ma ho marhite goar na imbaru, Tuhan i sandiri do na pasahat goarmu.

JESAYA 66:12

Songon on do pandok ni Tuhan, “LehenonKu ma di hamu dame na manongtong. Mabaor ma tu hamu sinadongan ni angka bangso songon batang aek na so jungada hiang. Tudos ma hamu tu dakdanak na nipasusu ni inangna, diabing diampuanna jana di turke-turke mardongan holong ni roha.

AMOS 9:12

Halak Israel noma markuaso di Luat Edom na teba i dohot sude angka bangso nampunangKu najolo i. Au Tuhan madung mandok songon i jana giot patulusonKu do songon i.”

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

JOHANNES 12:32

Anggo Au muda dung dipatuginjang di ginjang ni tano, tarihonKu ma halak sudena tu Au.”

BAENON NI ANGKA RASUL 13:47

Angke songon on do diparentahon Tuhan tu hami di na nidokNia, ‘Madung Hutontuhon hamu gabe sada sondang tu angka bangso na asing na so Jahudi; anso paroonmunu haluaan tu na satano on.’ ”

BAENON NI ANGKA RASUL 15:17

anso sude halak na teba i manjalahi Tuhan, rap dohot angka bangso na asing na so Jahudi, i ma na dung Hupiohon gabe Au puna.’ Songon i ma pandok ni Tuhan i,

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 21:24

Jadi mardalani di sinondang i noma angka bangso, jana angka raja na ditano on marsiboan hamoraonna ma tuSia.