JESAYA 6:6 - BIBEL JAMITA NA DENGGAN

⁶ Dung i mijur ma sada sian Serafim i tu au maroban banggar na nigampitnia sian langgatan i.

JESAYA 6:6 ပူးပေါင်းရင်းမြစ်များ

HARURUAR 25:38

Pangkoisna dohot talamna, laing sian sere na polin ma baen.

JESAYA 6:2

Jongjong do humaliang Ia angka Serafim na marjilam songon api, na marhabong onom be. Dua habongna i manutupi bohina, dua manutupi patna jana habongna na dua nari dipake laho habang.

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

JEHESKIEL 10:2

Dung i didok Debata ma tu halak na marpakean linen i, “Masuk ma ho tu antara ni angka roda na adong di toru ni kerub i, jana buat ma sanjomput banggar ni api. Dung i sarsarkon ma banggar i tu ginjang ni kota i.” Dung i huida ma ia masuk.

HAMALIMON 16:12

angkon buatonnia sian langgatan inganan ni api dohot banggar ni api, dohot duanggolom hamonyan na halus, lalu dioban ia tu Bilik Na Sun Badia.

BILANGAN 16:46

didok si Musa ma tu si Harun, “Buat ma inganan ni apimi, pamasuk tusi lima kamata banggar na gara sian langgatan jana baen saotik hamonyan tu banggar i. Sigop ma oban tu halak na bahat i jana baen upacara hasesaan ni dosa di halahi. Sigop ma! Madung mardalan muruk ni Tuhan, madung mamungka ro nyae na mangalangkoti.”

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

BAENON NI ANGKA RASUL 2:3

Dung i diida halahi ma angka dila songon jilam ni api na mangararati songgop tu halahi sude.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

IBRANI 1:7

Anggo taringot tu angka surusuruan, didok Debata songon on, “Dibaen Debata do angka surusuruanNia gabe alogo, jana angka pangoloiNia gabe jilam ni api.”

IBRANI 13:10

Adong do di hita sada inganan laho pasahat haul tu Debata. Jana angka malim na markarejo mangoloi di bagasan bandar i, nada dipatola halahi mangankon haul na adong di ginjang ni parkaulan i.