JESAYA 6:3 - BIBEL JAMITA NA DENGGAN

³ Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

JESAYA 6:3 ပူးပေါင်းရင်းမြစ်များ

ESRA 3:11

Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

MASMUR 57:11

Ale Debata, patuduhon ma hagodanganMu di langit i, dohot hamuliaonMu di sandok portibi on.

MASMUR 66:2

Endehon jana pagodang ma goarNia, pasangap ma Ia marhite puji-pujian.

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

MASMUR 8:2

diendehon dakdanak dohot na baru sorang. PamarentahonMu nada tarhutur, musu parkosom dibaen Ho gabe hohom.

MASMUR 90:16

Patuduhon ma karejoMu tu hami angka naposoMu, anso diida pomparannami godang ni kuasoMu.

MASMUR 97:6

Dipajojor langit hatigoranNia, sandok bangso marnida hamuliaanNia.

MASMUR 99:3

Padiar ma halahi mamuji goarNia na tongam marmulia, angke na badia do Ia!

MASMUR 99:9

Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JEHESKIEL 43:2

jana huida ma disi ro sian sabola Habincaran sinondang na marsilo-silo na patandahon haroro ni Debata ni Israel. Tarbege ma sora ni Debata songon laut na gumadobur, jana marlinang-linang ma tano on hara ni sinondang ni haroro ni Debata.

JEHESKIEL 44:4

Dung i dioban bayo i ma au tu horbangan Utara na paadop-adop dohot Bagas Na Badia i. Hupamanat ma, jana huida ma Bagas Na Badia i digohi sinondang na marlinang-linang na patandahon haroro ni Tuhan. Dung i manungkap ma au jana marsomba,

HABAKUK 2:14

Tapi songon laut na nigohan ni aek, laing songon i muse ma portibi on digohi dohot parbinotoan taringot tu hamuliaon ni Tuhan.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

BILANGAN 14:21

Tapi marjanji do Au hara ni hadirionKu dohot haadongonKu manggohi portibi on,

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.