JESAYA 6:11 - BIBEL JAMITA NA DENGGAN

¹¹ Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JESAYA 6:11 ပူးပေါင်းရင်းမြစ်များ

JESAYA 1:7

Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

MASMUR 94:3

Ale Tuhan, intap ni andigan parjahat i marjop ni roha, lopus sadihari halahi marmoga-moga?

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

MASMUR 74:10

Intap ni andigan do, ale Debata, musu on sai mangincaki Ho? Sapanjangna noma he layasan ni halahi goarMi?

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JESAYA 5:9

Hubege do didok Tuhan Na Markuaso i, “Anggo angka bagas na godang-godang jana na jeges-jeges on, marumar noma i sudena nada adong be manginganisa.

JESAYA 13:12

Angkon ummotik jolma na mangolu sian sere na polin.

JESAYA 32:14

Salang bagas godang i pe tadingkonon do i dohot kota sabungan i gabe mamolngit. Angka benteng dohot angka bagas panjago kota i gabe tinggal tapor-taporna noma i salolot-lolotna. Halode riar dohot angka biri-biri marroha-roha jana manjampali ma disi.

JESAYA 35:1

Parhorsihan dohot padang na mahiang marjop ni roha, padang na lungun marsurak-surak jana marbunga ma.

JESAYA 60:15

Nada be ho tadingkonon jana hagigian, nada padiaron mangalungun. Jeges jana tarbarita ho Hubaen sapanjangna, inganan hamogaan sapanjangna.

JESAYA 64:10

Madung gabe songon halongonan, angka kotaMu na badia i, Sion madung gabe halongonan, Jerusalem madung mamolngit.

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 22:6

Anggo di Au santak do jeges ni bagas godang ni raja Juda on, songon jeges ni tano Gilead dohot angka Dolok Libanon, tapi baenonKu ma inganan i gabe songon padang halongonan na so niinganan ni halak.

JEREMIA 44:2

On ma tona ni Tuhan Na Markuaso i, Debata ni Israel tu halahi, “Madung diida hamu sandiri mara na Hutimpalkon tu Jerusalem dohot sandok kota na adong di Juda. Lopus saonnari laing tinggal sego-segona do angka kota i jana lobu.

JEREMIA 52:27

na di tano Hamat. Diparkanciti ma halahi disi lalu dibunu. Songon i ma dioban halak Juda i sian tano ni halahi lalu tu habuangan;

JEHESKIEL 6:6

Tung di sude ingananmunu angkon sursarkonon ma sude angka kota ni Israel, jana lungun baenon angka dolok-dolok, anso marampar jana marumpak angka langgatanmunu, marponggolan jana mago angka gana-ganaanmunu, jana maropuk angka tiang panyombaan, jana diagohon ma bagi aha na dibaen ni halahi.

DANIEL 8:13

Dung i hubege ma sahalak surusuruan mandok tu donganna, “Sadia honok mardalan sude na tarida di bagasan parnidaan i? Intap ni andigan dosa godang i manggontihon haul si ganop ari? Olat ni sadia honok do marlaku parnidaan on, i ma haul si ganop ari, hajahatan na mangagohon, inganan na badia na dung dilehen tentara banua ginjang i didege-dege?”

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

MIKA 5:11

Hulantuk sude angka ajimatmu jana Hubonom sude angka datumu.

MIKA 6:13

Saonnari pungkaonKu ma mamotuk dohot manyarsarkon hamu hara ni angka dosamunu i.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

PANGARATAION 28:62

Haru pe na dung sabahat ni bintang na di langit bilanganmunu, hum saotik sajo noma na tinggal mangolu, hara ni na so mangoloi hamu tu Tuhan Debatamunu.

PANGARATAION 28:63

Songon jop ni roha ni Tuhan mangalehen hadumaon di ho dohot patamba bilanganmunu, laing songon i muse ma sonang ni rohaNia mangabisi ho dohot maroban hasesego tu ho. UmpatonNa ho sian tano i, na so sadia lolot nari be lehenonNa baen ingananmunu.

MIKA 7:13

Tapi anggo tano on gabe gariang noma hara ni hajahatan ni halak na manginganisa.