JESAYA 6:1 - BIBEL JAMITA NA DENGGAN

¹ Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.

JESAYA 6:1 ပူးပေါင်းရင်းမြစ်များ

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

2 RAJA-RAJA 15:7

Jumolo ma Raja Usia jana dikuburkon di kuburan ni raja-raja di Kota Ni si Daud. Anaknia si Jotam ma gabe raja manggonti ia.

2 JUJUR TAON 18:18

Didok si Mika ma mangulahi, “Saonnari tangihon ma jolo na nidok ni Tuhan! Huida do Tuhan juguk di ginjang ni habangsaNa di banua ginjang, jana marjongjongan angka surusuruanNa di lambungNia.

JOB 42:5

Nabaruon dapot sian parbinegean do parbinotoanku tu Ho, tapi anggo saonnari adop mata do hutanda Ho.

MASMUR 108:5

Ale Debata, patuduhon ma hagodanganMu di langit, dohot hamuliaanMu mangalobii sandok tano.

MASMUR 113:5

Ise ma na songon Tuhan Debatanta? Di inganan na gincat do Ia marhabangsa.

MASMUR 46:10

Didok Ia, “Boto hamu ma, Au do Debata, ulang be pupu na marporang. Di tonga-tonga ni angka bangso, godang do Au, godang di sude tano on.”

HARURUAR 24:9

Dung i manangkok ma si Musa, si Harun, si Nadab, si Abihu dohot pamimpin ni halak Israel na pitu pulu halak i tu dolok i,

JESAYA 1:1

Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JESAYA 12:4

Dapot do i hatihana marendei angka halak, “Mandok tarimakasi ma da tu Tuhan, pio ma goarNia mangido tolongan. Paboa ma tu angka bangso, hagodangan dohot sude pambaenanNia.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

JEHESKIEL 10:1

Dung i manatap ma au tu na songon langit na di ginjang ni ulu ni angka kerub i, jana huida sada tudos songon habangsa na sian batu intan nilam.

JEHESKIEL 10:4

Dung i manaek ma hamuliaon ni Tuhan sian gincat ni kerub i jana kehe tu gincat ni pintu Bagas Na Badia, gabe gok ombun ma Bagas Na Badia i, jana alamanna pe sun disondangi hamuliaon ni Tuhan.

DANIEL 10:17

Songon sada naposo na jongjong di jolo ni tuanna do au. Bia ma he baenonku mangkuling tu tuan i? Abis do gogongku boti hosangku pe sompit.”

DANIEL 7:9

Di na torus au mangaligi, dihobasi ma sanga na piga habangsa. Jadi juguk ma ia Na Tongtong Mangolu i di sada sian angka habangsa i. PakeanNia dohot obukNia ias sajo mamontar songon hapas, gara-gara do habangsa i dohot angka rodana i hara ni jilam ni api.

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 12:41

Songon i do didok si Jesaya, harana madung diida ia hasangapanNia jana na mangkobari ia taringot tuSia.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

HALUMBAAN 15:8

Jadi gok ma antong Bagas Na Badia i dohot timus sian hasangapan dohot sian hara ni kuasoNia. Jana salolot so sidung dope mara na pitu i dibaen surusuruan na pitu i, sahalak pe nada dipatola masuk tu bagasan Bagas Na Badia i.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

HALUMBAAN 4:10

manungkap ma pangituai na dua pulu opat i di jolo ni na juguk di habangsa i, marsomba tuSia na mangolu i salolot-lolotna. Dung i dipayakkon halahi ma tuku ni halahi i tu jolo ni habangsa i jana ninna halahi ma,

HALUMBAAN 4:2

Manigor digohi Tondi Parbadia ma au. Huida ma di banua ginjang i sada habangsa. Adong do halak na juguk di habangsa i.

HALUMBAAN 4:3

Marsinondang do bohi ni na juguk i, songon intan Jaspis dohot Sardes idaon. Adong muse do halibutongan humaliang habangsa i songon zamrud.

HALUMBAAN 4:9

Diendehon mahluk siopat-opat i ma angka logu ni ende na pasangapkon jana na marmulia dohot na mandok tarimakasi tu na juguk di habangsa i, i ma na mangolu i salolot-lolotna. Jana di na marende i angka mahluk i,

HALUMBAAN 5:1

Dung i huida ma di siamun ni na juguk di ginjang ni habangsa i sada pustaha na marsurat di bagasan dohot di luar, jana na nicap dohot pitu cap.

HALUMBAAN 5:7

Dung i ro ma Anak Ni Biri-biri i tu jolo jana dibuat Ia ma buku na nibalun i sian tangan siamun ni na juguk di habangsa i.

HALUMBAAN 6:16

Marsurak ma halahi tu angka dolok i dohot tu angka batu i, “Dondoni ma hami! Linggomi ma hami anso ulang hami ida bohi ni na juguk di habangsa i jana ulang hona muruk hami dibaen Anak Ni Biri-biri i!