JESAYA 57:9 - BIBEL JAMITA NA DENGGAN

⁹ Maroban miak na huskus do hamu mangadop Debata Molok, jana marragam angka na huskus; disuru ho do kehe angka suruanmu tu luat na dao, jana lalu tu banua toru inganan ni na mate.

JESAYA 57:9 ပူးပေါင်းရင်းမြစ်များ

PODA 7:17

jana hupispis dohot miak wangi na sian mur, cendana dohot hulim.

JESAYA 2:9

Angkon marbile do ganop halak jana dipaila. Ulang lehen ampunan tu halahi, ale Tuhan!

JEHESKIEL 16:33

Sai manjagit garar do anggo siboru jalang, tapi anggo ho balik ni i do, ho sandiri do na mangaleheni silua tu angka haholongan ni rohami, dielek-elek ho dope tehe halahi anso marroan sanga na sian dia anso rap modom dohot ho.

JEHESKIEL 23:16

Disi diida si Oholiba angka gambar i, manigor gintal ma hagiotnia jana ditongos ia ma ontang-ontang tu angka perwira i di Babel.

JEHESKIEL 23:40

Mur ditongos halahi muse dope ontang-ontang tu angka halaklahi di angka luat na dao jana ro be do i. Laho manyambut angka tamu i, maridi ma na martinadohon i, mamake colak ni mata dohot mamake angka barang parhiasan.

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,