JESAYA 57:7 - BIBEL JAMITA NA DENGGAN

⁷ Kehe do hamu tu puncu ni angka dolok laho pasahatkon pelean lalu pasombuhon hagiot ni sibukmunu.

JESAYA 57:7 ပူးပေါင်းရင်းမြစ်များ

JESAYA 57:3

Tapi hamu, padonok hamu ma tuson, ale angka anak ni dadaboru tukang sihir, ale pomparan ni na markarosuan dohot siboru jalang!

JESAYA 65:7

hara ni angka dosa ni halahi dohot dosa ni ompu ni halahi. Ninna Tuhan, “Dipabile halahi do Au marhite na manutung hamonyan di inganan parsombaan tu angka debata di dolok, jana dilayasi Au. UhumanKu do halahi marguru tu pangalaho ni halahi na salpu i.”

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 3:2

Manaili ma jolo ho tu ginjang, tu puncu ni angka dolok! Na dia dope inganan i na so unjung ditopot ho laho marmainan? Songon halak Arab na juguk di padang halongonan, songon i ma ho juguk di topi dalan painte-intehon halak na giot manandangi ho. Gabe hodar luat on dibaen ho hara ni parmainanmu.

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEHESKIEL 16:16

Deba sian parabitonmi dipake ho do pajagarkon inganan parsombaan ni gana-ganaan. Gabe siboru jalang ho jana dipasahat ho pamatangmu tu ganop halaklahi.

JEHESKIEL 16:24

Boti muse, di balerong dohot di topi ni ganop dalan dipajongjong ho do angka inganan parsombaan ni gana-ganaan jana marhamainan ho disi.

JEHESKIEL 16:25

Dipahodar ho do hajegesonmu. Ditare-tarehon ho do pamatangmu tu sude halaklahi na mamolus jana nada marnamantak ho marhamainan.

JEHESKIEL 23:17

Jadi marroan ma halahi antong jana rap modom dohot ia. Songon i ma hodarna dibaen halahi, ujungna gabe magigi ma rohania mida halahi.

JEHESKIEL 23:41

Dung i juguk ma halahi di ginjang ni podoman na jeges. Adong ma meja di jolo ni halahi dohot angka sipanganon na tabo; songon i muse dupa dohot miak zetun na Hulehen di halahi.

JEHESKIEL 6:13

Marragean ma angka bangso di antara ni angka gana-ganaan i dohot humaliang ni angka langgatan i, marserak di ganop dolok na gincat dohot di puncu ni ganop dolok, di toru ni ganop hayu na rumbun dohot di ganop bona ni hayu na godang; pendekna, sanga di dia halahi manutung haul tu gana-ganaan ni halahi. Jadi botoon ni ganop jolma ma, Au do Tuhan.