JESAYA 57:6 - BIBEL JAMITA NA DENGGAN

⁶ Dipalagut hamu angka batu na landit sian inganan i, lalu disomba hamu ma i. Diduruskon hamu anggur jana dipelehon hamu gandum tusi. Diambang hamu lakna sonang rohangKu mida i?

JESAYA 57:6 ပူးပေါင်းရင်းမြစ်များ

JESAYA 65:11

Tapi nada songon i anggo bagian ni angka halak na manadingkon Au, na so parduli di Sion, dolokKu na badia i, boti na marsomba tu Gad dohot Meni, i ma angka debata pardoharan dohot nasib.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 19:13

Sude bagas na adong di Jerusalem dohot sude bagas ni angka raja ni Juda gabe hodar ma i songon Tofet; angke madung ditutung halak di ginjang ni ganop bagas i dupa tu angka debata langit, jana dipelehon anggur tu angka debata na asing.”

JEREMIA 3:9

Marhite panggampangannia i dipahodar ia tano i jana markarosuan marhite na manyomba hayu dohot batu.

JEREMIA 32:29

jana surbuonna lopus abis. Mosok muse ma angka bagas na gabe boncir ni hamumurukKu, harana di ginjang ni tarupna i ma ditutungi halak dupa tu Baal dohot manduruskon anggur baen pelean tu angka debata.

JEREMIA 5:29

Tapi patunda ni sasudena i, Au Tuhan, giot uhumanKu ma halahi giot baloskononKu angka pambaenan ni bangso on.

JEREMIA 5:9

Nada he patutna ma angkon uhumanKu halahi jana baloskonon sandok na nibaen ni halahi?

JEREMIA 7:18

Dipalagut angka dakdanak do soban, halaklahi na magodang pagarahon api jana dadaboru mancampur adonan laho pature kue di debata boru-boru na nigoaran ni halahi Ratu Banua Ginjang. Jana na pahancit rohangKu dihaulkon halahi muse ma anggur tu angka debata.

JEREMIA 9:9

Patut ma he nada Hudabuhon uhum tu halak na songon i? Patut ma he nada baloskononKu i? Tu bangsongKi songon i ma didokkon Tuhan!”

JEHESKIEL 20:39

Didok Tuhan Debata i ma, “Ale hamu halak Israel, saonnari saguru di hamu ma. Toruskon hamu ma mambaen dosa, marhite na marsomba gana-ganaanmunu i! Tapi ingot hamu ma, anggo dung salpu i angkon oloanmunu do Au jana ulang be pajat hamu goarKu na badia i marhite na maroban pelean tu angka gana-ganaanmunu i.

HABAKUK 2:19

Hona bura ma halak na mangkuling tu hayu santuho, “Ngot ma ho!” Tu sada batu na ngungu, “Jongjong ma ho!” Tarbaen sada patung ma he mandok sangkababa hata tu ho? Nian marlampis sere do i dohot perak, tapi anggo tondi umpe adong di bagasanna.