JESAYA 57:5 - BIBEL JAMITA NA DENGGAN

⁵ Ale angka halak na matutung dibaen hagiot ni daging donok tu angka hayu parbeguan, ditoru ni hayu na rimbun, ale angka halak na manyambol dakdanak di rura-rura, di bagasan holang-holang ni dolok batu.

JESAYA 57:5 ပူးပေါင်းရင်းမြစ်များ

1 RAJA-RAJA 14:23

Di ginjang ni angka dolok dohot di toru ni angka hayu na godang, dipajongjong halahi do angka inganan parsombaan tu gana-ganaan jana dipajongjong halahi angka tugu dohot angka gambaran ni debata boru-boru Asera baen sombaon.

2 RAJA-RAJA 17:10

Ganop di puncut ni dolok, dohot di toru ni hayu na rumbun dipajongjong halahi do tugu ni debata sileban dohot gana-ganaan ni debata boru-boru Asera.

2 RAJA-RAJA 17:7

Madabu pe Samaria, hara ni dosa ni Israel do maradopkon Tuhan, Debata ni halahi na dung paluahon halahi sian raja Mesir jana na paruarkon halahi sian luat i. Na marsomba do halahi tu gana-ganaan

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

2 JUJUR TAON 28:3

jana ditutung ia dupa di Rura Hinom. Dipelehon ia dope tehe anaknia sandiri gabe haul tu gana-ganaan mangihutkon hasomalan na jat di angka jolma na nipaorot ni Tuhan sian tano Kanaan dompak na masuk halak Israel tu tano i.

HARURUAR 32:6

Jana ancogotna i sogot dope dipelehon halahi ma haul situtungon dohot haul pardamean; jadi juguk ma bangso i mangan dohot minum, dung i jongjong ma halahi manortori.

JESAYA 1:29

Manyosal noma hamu hara ni na dung jungada hamu marsomba parhayu dohot na paradehon angka kobun gabe hapunjungan ni angka debata.

JEREMIA 17:2

Marsomba angka halakmu di angka langgatan dohot angka tiang gana-ganaan na dipajongjong di Debata Boru-boru Asera, di sandok hayu na rumbun, di puncu ni angka dolok,

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 3:13

Sandok okui sajo ma paboa na marsala dohot na dung mangalo ho tu Tuhan, Debatamu. Okui ma na dung dipataridahon ho holong ni rohamu maradopkon debata ni angka bangso na asing di toru ni ganop hayu na rumbun, dohot na so dioloi ho angka na Huparentahon. Au, Tuhan, madung mandok songon i.”

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 32:35

Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”

JEREMIA 50:38

Sude batang aek angkon mahiang angke gok do Babel dibaen angka gana-ganaan na jorbut, na mambaen rintik angka na mamele tusi.

JEREMIA 51:7

Tudos do Babel dohot piala sian sere na Hutiop jana na mambaen mabuk sude portibi on. Marminuman angka bangso sian panginuman i lopus rintik be halahi.

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

JEHESKIEL 16:20

Dung salpu i dipelehon ho muse ma angka dakdanakmu, halaklahi dohot dadaboru na ditubuhonmu di Au gabe haul tu angka gana-ganaan. Na diambang ho do parkaro na menek dope parkarosuanmon?

JEHESKIEL 20:26

Hupadiar noma halahi pahodar dirina marhite haul ni halahi sandiri, salang angka anak siangkaan ni halahi dipelehon halahi. Songon i ma Hubaen manguhumi halahi anso diboto halahi Au do Tuhan.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 20:31

Jana lopus tu sadari on pe dipahodar hamu do dirimunu marhite na maroban pelean dohot na manutungi angka dakdanakmunu baen haul tu angka gana-ganaan i. Antong laing puluk dope he hamu mangido panogu-noguon tu au? Hara ni Au na mangolu, Tuhan Debata, nada Huloas hamu mangido panogu-noguon sian Au.

JEHESKIEL 6:13

Marragean ma angka bangso di antara ni angka gana-ganaan i dohot humaliang ni angka langgatan i, marserak di ganop dolok na gincat dohot di puncu ni ganop dolok, di toru ni ganop hayu na rumbun dohot di ganop bona ni hayu na godang; pendekna, sanga di dia halahi manutung haul tu gana-ganaan ni halahi. Jadi botoon ni ganop jolma ma, Au do Tuhan.

HAMALIMON 18:21

Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i.

BILANGAN 25:6

Dompak tumatangis si Musa dohot na bahat i di pintu ni Bandar Parmianan Ni Tuhan, diida halahi ma sahalak Israel maroban sada boru Midian masuk tu bandarna.

PANGARATAION 12:2

Muda dung masuk hamu tu luat i, angkon roncohononmunu do angka inganan pamelean, inganan ni bangso na maringanan disi mamele angka debata ni halahi di ginjang ni angka dolok na timbo, di angka tor, dohot di toru ni angka hayu na rumbun.

HALUMBAAN 18:3

Madung diinum sasude bangso anggur sian hagiotnia na rorang i. Mambaen harorangon do angka raja dohot ia jana gabe maradong be ma angka saudagar na satano on hara ni hagiotna na so tarordahon i.”