JESAYA 57:20 - BIBEL JAMITA NA DENGGAN

²⁰ Tapi anggo parjahat, songon laut na so jungada demak do i jana torus gumalusak. Marbalun-balun ombakna i marobani bustak dohot rompak-rompak.

JESAYA 57:20 ပူးပေါင်းရင်းမြစ်များ

2 RAJA-RAJA 6:11

Dut ma roha ni raja Siria hara ni i, jabat dipiohon ia angka na marpangkat sian angka tentarania manyapai, “Pasti adong sian tonga-tonganta na manghianat. Ise halakna i? Paboa hamu jolo!”

JESAYA 3:11

Marjaya ma halak na jahat! Parmaraan angkon mandondoni halahi. Harana baloshononkon ma tu halahi hombar tu pambaenanna sandiri.

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

JESAYA 48:22

“Nada adong hadameon di halak parjahat!” ninna Tuhan.

JESAYA 59:8

Nada daionmunu hasonangan ni roha. Sude do parbuatanmunu na so tigor. Marbulut-bulut do dalanmunu, jana nada sonang sanga ise halak na mangihutkon dalanmunu i.

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.